Foto: Akorda.kz
Memleket basshysy «Qazaqstan Respýblikasynyń keibir zańnamalyq aktilerine qylmystyq sot isin júrgizý salasyndaǵy adam quqyqtary, jazany oryndaý, sondai-aq azaptaý men basqa da qatygez, adamgershilikke jatpaityn nemese qadir-qasietti qorlaityn qarym-qatynas túrleriniń aldyn alý máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy, dep habarlaidy Aqordanyń baspasóz qyzmeti.
Bul zań – elimizde júrgizilip jatqan saiasi jáne quqyqtyq reformalar aiasynda Qazaqstannyń azaptaý men qorlaýdyń basqa da túrlerin joiýǵa, osy másele boiynsha halyqaralyq normalardy ulttyq zańnamaǵa engizýge, sondai-aq sottalǵandardyń quqyǵyn keńeitip, túrmedegi teris sýbmádeniettiń qalyptasýyna jol bermeýge baǵyttalǵan júieli qadamdardyń jalǵasy.
Atap aitqanda, qujatta mynadai normalar qarastyrylǵan:
▪️qatygez nemese adamnyń qadir-qasietin qorlaityn qarym-qatynas úshin jaýapkershilik qarastyrylady;
▪️azaptaý úshin qylmystyq jaýapkershilikke tartý sharalary qatańdatylady;
▪️zańsyz áreketterdiń aldyn alý úshin tergeý amaldary kezinde aýdio jáne beine taspalaý júiesin qoldaný múmkindikteri keńeitiledi.
Sonymen qatar Zań sottalǵan adamdarǵa birqatar qosymsha quqyq beredi:
✔️Aýyr syrqatqa shaldyqqan jaǵdaida olarǵa jazany óteý merzimin keiingi qaldyrý quqyǵy beriledi, iaǵni sottalǵan adamǵa meditsinalyq mekemede shuǵyl em alýǵa múmkindik týady;
✔️Sottalǵan adamdy aýyr dertke shaldyǵýyna bailanysty jazasyn óteýden bosatý týraly sot sheshimi dereý oryndalady (buryn sottalǵandar sottyń sheshimi zańdyq kúshine engennen keiin ǵana bosatylatyn);
✔️Sottalǵan áielder men olardyń balalary arasyndaǵy áleýmettik bailanysty saqtaý úshin olarǵa óz balalaryn koloniiada qaldyrýǵa ruqsat etý merzimi 3 jyldan 4 jylǵa uzartyldy;
