فوتو: Akorda.kz
مەملەكەت باسشىسى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قىلمىستىق سوت ٸسٸن جٷرگٸزۋ سالاسىنداعى ادام قۇقىقتارى, جازانى ورىنداۋ, سونداي-اق ازاپتاۋ مەن باسقا دا قاتىگەز, ادامگەرشٸلٸككە جاتپايتىن نەمەسە قادٸر-قاسيەتتٸ قورلايتىن قارىم-قاتىناس تٷرلەرٸنٸڭ الدىن الۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويدى, دەپ حابارلايدى اقوردانىڭ باسپاسٶز قىزمەتٸ.
بۇل زاڭ – ەلٸمٸزدە جٷرگٸزٸلٸپ جاتقان ساياسي جەنە قۇقىقتىق رەفورمالار اياسىندا قازاقستاننىڭ ازاپتاۋ مەن قورلاۋدىڭ باسقا دا تٷرلەرٸن جويۋعا, وسى مەسەلە بويىنشا حالىقارالىق نورمالاردى ۇلتتىق زاڭناماعا ەنگٸزۋگە, سونداي-اق سوتتالعانداردىڭ قۇقىعىن كەڭەيتٸپ, تٷرمەدەگٸ تەرٸس سۋبمەدەنيەتتٸڭ قالىپتاسۋىنا جول بەرمەۋگە باعىتتالعان جٷيەلٸ قادامداردىڭ جالعاسى.
اتاپ ايتقاندا, قۇجاتتا مىناداي نورمالار قاراستىرىلعان:
▪️قاتىگەز نەمەسە ادامنىڭ قادٸر-قاسيەتٸن قورلايتىن قارىم-قاتىناس ٷشٸن جاۋاپكەرشٸلٸك قاراستىرىلادى;
▪️ازاپتاۋ ٷشٸن قىلمىستىق جاۋاپكەرشٸلٸككە تارتۋ شارالارى قاتاڭداتىلادى;
▪️زاڭسىز ەرەكەتتەردٸڭ الدىن الۋ ٷشٸن تەرگەۋ امالدارى كەزٸندە اۋديو جەنە بەينە تاسپالاۋ جٷيەسٸن قولدانۋ مٷمكٸندٸكتەرٸ كەڭەيتٸلەدٸ.
سونىمەن قاتار زاڭ سوتتالعان ادامدارعا بٸرقاتار قوسىمشا قۇقىق بەرەدٸ:
✔️اۋىر سىرقاتقا شالدىققان جاعدايدا ولارعا جازانى ٶتەۋ مەرزٸمٸن كەيٸنگٸ قالدىرۋ قۇقىعى بەرٸلەدٸ, ياعني سوتتالعان ادامعا مەديتسينالىق مەكەمەدە شۇعىل ەم الۋعا مٷمكٸندٸك تۋادى;
✔️سوتتالعان ادامدى اۋىر دەرتكە شالدىعۋىنا بايلانىستى جازاسىن ٶتەۋدەن بوساتۋ تۋرالى سوت شەشٸمٸ دەرەۋ ورىندالادى (بۇرىن سوتتالعاندار سوتتىڭ شەشٸمٸ زاڭدىق كٷشٸنە ەنگەننەن كەيٸن عانا بوساتىلاتىن);
✔️سوتتالعان ەيەلدەر مەن ولاردىڭ بالالارى اراسىنداعى ەلەۋمەتتٸك بايلانىستى ساقتاۋ ٷشٸن ولارعا ٶز بالالارىن كولونييادا قالدىرۋعا رۇقسات ەتۋ مەرزٸمٸ 3 جىلدان 4 جىلعا ۇزارتىلدى;
