Toqaev azamattardyń tabysyn jappai deklaratsiialaýdyń qanshalyqty oryndy ekenin oilanýdy tapsyrdy

Qasym-Jomart Toqaev tsifrlandyrý damyǵan zamanda azamattardyń tabysyn jappai deklaratsiialaýdyń qanshalyqty oryndy ekenin oilanýdy tapsyrdy. Aitýynsha bul buryn qajetti aqparatqa ashyq qoljetkize almaǵan kezde usynylǵan sheshim. Bul týraly Stan.kz aqparat agenttigine silteme jasap ult.kz habarlaidy. 

foto: Aqorda 

Memleket basshysy bul talap 2021 jyldan beri birtindep engizilip jatyrǵanyn alǵa tartty.

“Alǵashqy úsh kezeńde 4 millionnan astam adam deklaratsiia tapsyrdy. Olardyń qatarynda memlekettik qyzmetkerler, kvazimemlekettik sektordaǵy basshylar, kásipkerler jáne osy sanatqa kiretin azamattardyń jubailary bar. Kelesi jyly taǵy 8 millionǵa jýyq adam deklaratsiia tapsyrady dep josparlanyp otyr”, – dedi ol.

Degenmen prezident jappai deklaratsiia tapsyrý tujyrymdamasy osydan 14 jyl buryn qabyldanǵanyn, al qazirgi ýaqytta qanshalyqty qajet ekenin oilandyratynyn jetkizdi.

“Sodan beri elimizde tsifrlandyrý isi jáne finteh salasy qarqyndy damyp kele jatyr. Túrli memlekettik mekemelerge ortaq málimetter bazasy paida boldy. Qarjy jáne salyq baqylaýy kúsheidi. Demek osyndai aýqymdy ózgeristerden keiin tórtinshi, iaǵni, sońǵy kezeńde azamattardy deklaratsiia tapsyrýǵa mindetteý qanshalyqty oryndy degen suraq týady. Úkimet bul máseleni jan-jaqty pysyqtaýy qajet", -dep qorytty ol. 

Eske salsaq, buǵan deiin prezident "olardyń tabysy az, túnimen jumysta otyrady", dep memlekettik qyzmetkerlerge syiaqy berý keregin jetkizgen edi.