Baspanamen qamtý - bul memlekettiń áleýmettik saiasatynyń basymdyǵy. Bul týraly búgin Aqordada birqatar azamatqa memlekettik nagradalardy tapsyrý barysynda Memleket basshysy Qasym-Jomart Toqaev aitty, dep habarlaidy QazAqparat.
«Bizdiń basty mindetimiz - ár azamattyń turmys sapasyn arttyrý. Sondyqtan memleket áleýmettik mindettemelerdi oryndaýǵa basa mán berip otyr. Osy maqsatta elimizde turǵyn úi qurylysy qarqyndy júrgizilýde. Halyqty qoljetimdi baspanamen qamtý úshin kóptegen jeńildikter jasalyp jatyr. Adamdardyń qarapaiym tutynýdan jinaqtaýǵa kóshý qajettigin túsinýi mańyzdy», - dedi Memleket basshysy.
QR Prezidentiniń dereginshe, búgingi kúni «Turǵyn úi qurylys jinaq bankinde» 1,5 mln esepshot ashylǵan. Ákimdikterde baspana kezeginde turǵan 526 myń adamnyń shamamen 200 myńy bankte qarajat jinai bastady. Urpaǵynyń keleshegine bei-jai qaramaityn ata-analar 180 myń balanyń depozitin ashqan.
«Biyl az qamtylǵan 4 myń otbasy jyldyq 2 paiyzdyq mólsherlememen »Baqytty otbasy« baǵdarlamasynyń arqasynda qonys toiyn toilady. Biraq, bul árine jetkiliksiz. Qazir ózin-ózi jubatatyn ýaqyt emes. Baspanaǵa qatysty jaǵdaida túbegeili ózgertý kerek. Bul másele bizdiń basty nazarymyzda bola beredi. Baspanamen qamtý - bul memlekettiń áleýmettik saiasatynyń basymdyǵy. Sondyqtan jaqyn arada qosymsha sharalar qoldanylatyn bolady», - dedi Qasym-Jomart Toqaev.
Memleket basshysynyń aitýynsha, qazirgi ýaqytta Úkimet «Baqytty otbasy» baǵdarlamasyn barlyq kezekte turǵandarǵa qoldaný máselesin pysyqtap jatyr.
«Men Úkimetke 2020 jylǵa deiin bul baǵdarlamany keńeitýge tapsyrma berdim. Basqa sózben aitar bolsaq, bizdiń azamattarmyzdyń baspanamen qamtamasyz etilý problemasyna birinshi kezekte nazar aýdarylady. Menińshe, bul jumystardyń aýyly alys emes», - dedi Qazaqstan Prezidenti.
.jpeg)