باسپانامەن قامتۋ - بۇل مەملەكەتتٸڭ ەلەۋمەتتٸك ساياساتىنىڭ باسىمدىعى. بۇل تۋرالى بٷگٸن اقوردادا بٸرقاتار ازاماتقا مەملەكەتتٸك ناگرادالاردى تاپسىرۋ بارىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«بٸزدٸڭ باستى مٸندەتٸمٸز - ەر ازاماتتىڭ تۇرمىس ساپاسىن ارتتىرۋ. سوندىقتان مەملەكەت ەلەۋمەتتٸك مٸندەتتەمەلەردٸ ورىنداۋعا باسا مەن بەرٸپ وتىر. وسى ماقساتتا ەلٸمٸزدە تۇرعىن ٷي قۇرىلىسى قارقىندى جٷرگٸزٸلۋدە. حالىقتى قولجەتٸمدٸ باسپانامەن قامتۋ ٷشٸن كٶپتەگەن جەڭٸلدٸكتەر جاسالىپ جاتىر. ادامداردىڭ قاراپايىم تۇتىنۋدان جيناقتاۋعا كٶشۋ قاجەتتٸگٸن تٷسٸنۋٸ ماڭىزدى», - دەدٸ مەملەكەت باسشىسى.
قر پرەزيدەنتٸنٸڭ دەرەگٸنشە, بٷگٸنگٸ كٷنٸ «تۇرعىن ٷي قۇرىلىس جيناق بانكٸندە» 1,5 ملن ەسەپشوت اشىلعان. ەكٸمدٸكتەردە باسپانا كەزەگٸندە تۇرعان 526 مىڭ ادامنىڭ شامامەن 200 مىڭى بانكتە قاراجات جيناي باستادى. ۇرپاعىنىڭ كەلەشەگٸنە بەي-جاي قارامايتىن اتا-انالار 180 مىڭ بالانىڭ دەپوزيتٸن اشقان.
«بيىل از قامتىلعان 4 مىڭ وتباسى جىلدىق 2 پايىزدىق مٶلشەرلەمەمەن »باقىتتى وتباسى« باعدارلاماسىنىڭ ارقاسىندا قونىس تويىن تويلادى. بٸراق, بۇل ەرينە جەتكٸلٸكسٸز. قازٸر ٶزٸن-ٶزٸ جۇباتاتىن ۋاقىت ەمەس. باسپاناعا قاتىستى جاعدايدا تٷبەگەيلٸ ٶزگەرتۋ كەرەك. بۇل مەسەلە بٸزدٸڭ باستى نازارىمىزدا بولا بەرەدٸ. باسپانامەن قامتۋ - بۇل مەملەكەتتٸڭ ەلەۋمەتتٸك ساياساتىنىڭ باسىمدىعى. سوندىقتان جاقىن ارادا قوسىمشا شارالار قولدانىلاتىن بولادى», - دەدٸ قاسىم-جومارت توقاەۆ.
مەملەكەت باسشىسىنىڭ ايتۋىنشا, قازٸرگٸ ۋاقىتتا ٷكٸمەت «باقىتتى وتباسى» باعدارلاماسىن بارلىق كەزەكتە تۇرعاندارعا قولدانۋ مەسەلەسٸن پىسىقتاپ جاتىر.
«مەن ٷكٸمەتكە 2020 جىلعا دەيٸن بۇل باعدارلامانى كەڭەيتۋگە تاپسىرما بەردٸم. باسقا سٶزبەن ايتار بولساق, بٸزدٸڭ ازاماتتارمىزدىڭ باسپانامەن قامتاماسىز ەتٸلۋ پروبلەماسىنا بٸرٸنشٸ كەزەكتە نازار اۋدارىلادى. مەنٸڭشە, بۇل جۇمىستاردىڭ اۋىلى الىس ەمەس», - دەدٸ قازاقستان پرەزيدەنتٸ.
.jpeg)