Memleket basshysy Bilim jáne ǵylym ministri Ashat Aimaǵambetovti qabyldady, dep habarlaidy Aqorda.
Qasym-Jomart Toqaevqa Joldaýda berilgen tapsyrmalarynyń oryndalý barysy, ministrliktiń bilim jáne ǵylym júiesin jaqsartýǵa baǵyttalǵan bastamalary jóninde baiandaldy.
Prezidentke balalar quqyqtarynyń buzylý faktilerin azaitý úshin jekemenshik balabaqshalardyń jaýapkershiligin arttyrýǵa jáne mektep baǵdarlamalary men oqýlyqtardy ázirleýdiń jańa tásilderine qatysty usynystar berildi.
Ashat Aimaǵambetovtiń aitýynsha, Memleket basshysynyń Joldaýda bergen tapsyrmalary aiasynda «Ǵylym týraly» Zańǵa ózgertýler engizilgen. Endi tarih, qazaq tili, filosofiia, arheologiia, matematika, shyǵystaný jáne basqa da salalar boiynsha ǵylymi zertteý jumystarymen ainalysyp júrgen 4 myńnan astam ǵalym turaqty eńbekaqy alady. Ǵylymi jobalardy qarjylandyrý merzimi burynǵy 3 jyldan 5 jylǵa deiin sozyldy. Jas ǵalymdardy qoldaý úshin postdoktorantýraǵa myń grant bólindi. Arnaiy konkýrstar bastaldy. Sonyń aiasynda 2 myńnan astam jas ǵalym 17 milliard teńgeniń grantyn aldy. Qasym-Jomart Toqaevtyń tapsyrmasy boiynsha ǵalymdardyń áleýetin arttyrý sharalary qabyldandy. Jyl saiyn 500 otandyq maman respýblikalyq biýdjet esebinen álemniń jetekshi ǵylymi ortalyqtarynda taǵylymdamadan ótedi.
Ministrdiń esebin tyńdaǵan Prezident mekteptegi bilim berý sapasy men muǵalimderdiń mártebesin arttyrý jónindegi maqsatty jumystardy kúsheitýdi tapsyrdy. Sonymen qatar Memleket basshysy joǵary oqý oryndaryna litsenziia berý tártibin jetildirý jáne irgeli zertteý jumystaryn júrgizetin institýttardy qoldaý qajet dep sanaidy.
