Memleket basshysy Qasym-Jomart Toqaev Bilim jáne ǵylym ministri Ashat Aimaǵambetovqa balalardy qorshaǵan ortany qorǵaýǵa tárbieleý isine basa mán berýdi tapsyrdy, dep habarlaidy "Ult aqparat".
«Adamdarǵa jyldar boiy tabiǵatty lastamaý kerektigi túsindirilmegen. Bul bir. Ekinshiden janýarlar álemi týraly. Jaqynda Mańǵystaý oblysynyń Aqtaý qalasynda bir oqiǵa boldy. Onda adamdar itbalyqtardy taiaqpen, taspen uryp júr. Ekinshi jaǵynan balalar men jasóspirimderdi bul qylyqtary úshin taǵy kinálai almaisyń. Sebebi úide bolsyn, mektepte bolsyn olarǵa bul árekettiń durys emestigin eshkim de túsindirmegen. Men itti qylqyndyryp, kúshikti órtep jiberetin «qatardaǵy» jaǵdailardy aityp turǵan joqpyn. Meniń oiymsha, Aimaǵambetov (Bilim jáne ǵylym ministri) bul máselege bailanysty oilanýy tiis», - dedi Qasym-Jomart Toqaev Úkimettiń keńeitilgen otyrysynda.
