Qasym-Jomart Toqaev Soltústik Qazaqstan oblysyna jumys sapary barysynda aýyl sharýashylyǵy tehnikalaryn qurastyratyn CLAAS zaýytyna bardy, dep habarlaidy Aqorda.
Prezidentke zaýytta qurastyrylǵan astyq jinaityn traktorlar, kombaindar men tuqym sebetin tehnikalar kórsetilip, kásiporyndy odan ári damytý josparlary týraly baiandaldy.
Memleket basshysy CLAAS kompaniiasynyń halyqaralyq bedelin joǵary baǵalap, germaniialyq kontsernmen uzaqmerzimdi yntymaqtastyq ornatý qajet ekenin atap ótti.
– CLAAS ónimderiniń Qazaqstan naryǵyna kelýi bul úlken jetistik. Buny óte iri investitsiialyq oqiǵa deýge bolady, – dedi Qasym-Jomart Toqaev.
Sonymen qatar Prezident osy óńirde birqatar jobalardy júzege asyryp jatqan sheteldik investorlarmen kezdesti.
CLAAS kompaniiasynyń TMD elderi boiynsha aimaqtyq direktory Nils Roich Memleket basshysyn Qazaqstanda bolashaqta iske asyrmaq investitsiialyq jobalarymen tanystyrdy.
Túriktiń YDA HOLDING kompaniiasynyń basqarma tóraǵasy Arslan Hýsein Petropavlda halyqaralyq JCI standarttaryna sáikes 625 oryndyq zamanaýi kópsalaly aýrýhana qurylysynyń bastalǵanynan habardar etti.
Arizona ýniversitetiniń (AQSh) jahandyq máseleler jónindegi vitse-prezidenti Brent Ýait atalǵan oqý ornynyń Kozybayev University-men yntymaqtastyq ornatý jónindegi josparyn aitty. Bul kelisim qazaqstandyq joǵary oqý ornyn amerikalyq bilim berý mekemesindegi akademiialyq tehnologiialarmen qamtamasyz etýge baǵyttalmaq.
Qasym-Jomart Toqaev investitsiialyq jobalarmen tanysqannan keiin investorlarǵa el ekonomikasyn, atap aitqanda óńirlerdi damytýǵa qosqan úlesteri úshin rizashylyǵyn bildirdi. Memleket basshysy investorlardyń biznes-jobalarynyń iske asyrylýyn baqylaýda ustaý úshin jeke monitoring júrgizetinin atap ótti.
