قاسىم-جومارت توقاەۆ سولتٷستٸك قازاقستان وبلىسىنا جۇمىس ساپارى بارىسىندا اۋىل شارۋاشىلىعى تەحنيكالارىن قۇراستىراتىن CLAAS زاۋىتىنا باردى, دەپ حابارلايدى اقوردا.
پرەزيدەنتكە زاۋىتتا قۇراستىرىلعان استىق جينايتىن تراكتورلار, كومبايندار مەن تۇقىم سەبەتٸن تەحنيكالار كٶرسەتٸلٸپ, كەسٸپورىندى ودان ەرٸ دامىتۋ جوسپارلارى تۋرالى باياندالدى.
مەملەكەت باسشىسى CLAAS كومپانيياسىنىڭ حالىقارالىق بەدەلٸن جوعارى باعالاپ, گەرمانييالىق كونتسەرنمەن ۇزاقمەرزٸمدٸ ىنتىماقتاستىق ورناتۋ قاجەت ەكەنٸن اتاپ ٶتتٸ.
– CLAAS ٶنٸمدەرٸنٸڭ قازاقستان نارىعىنا كەلۋٸ بۇل ٷلكەن جەتٸستٸك. بۇنى ٶتە ٸرٸ ينۆەستيتسييالىق وقيعا دەۋگە بولادى, – دەدٸ قاسىم-جومارت توقاەۆ.
سونىمەن قاتار پرەزيدەنت وسى ٶڭٸردە بٸرقاتار جوبالاردى جٷزەگە اسىرىپ جاتقان شەتەلدٸك ينۆەستورلارمەن كەزدەستٸ.
CLAAS كومپانيياسىنىڭ تمد ەلدەرٸ بويىنشا ايماقتىق ديرەكتورى نيلس رويچ مەملەكەت باسشىسىن قازاقستاندا بولاشاقتا ٸسكە اسىرماق ينۆەستيتسييالىق جوبالارىمەن تانىستىردى.
تٷرٸكتٸڭ YDA HOLDING كومپانيياسىنىڭ باسقارما تٶراعاسى ارسلان حۋسەين پەتروپاۆلدا حالىقارالىق JCI ستاندارتتارىنا سەيكەس 625 ورىندىق زاماناۋي كٶپسالالى اۋرۋحانا قۇرىلىسىنىڭ باستالعانىنان حاباردار ەتتٸ.
اريزونا ۋنيۆەرسيتەتٸنٸڭ (اقش) جاھاندىق مەسەلەلەر جٶنٸندەگٸ ۆيتسە-پرەزيدەنتٸ برەنت ۋايت اتالعان وقۋ ورنىنىڭ Kozybayev University-مەن ىنتىماقتاستىق ورناتۋ جٶنٸندەگٸ جوسپارىن ايتتى. بۇل كەلٸسٸم قازاقستاندىق جوعارى وقۋ ورنىن امەريكالىق بٸلٸم بەرۋ مەكەمەسٸندەگٸ اكادەمييالىق تەحنولوگييالارمەن قامتاماسىز ەتۋگە باعىتتالماق.
قاسىم-جومارت توقاەۆ ينۆەستيتسييالىق جوبالارمەن تانىسقاننان كەيٸن ينۆەستورلارعا ەل ەكونوميكاسىن, اتاپ ايتقاندا ٶڭٸرلەردٸ دامىتۋعا قوسقان ٷلەستەرٸ ٷشٸن ريزاشىلىعىن بٸلدٸردٸ. مەملەكەت باسشىسى ينۆەستورلاردىڭ بيزنەس-جوبالارىنىڭ ٸسكە اسىرىلۋىن باقىلاۋدا ۇستاۋ ٷشٸن جەكە مونيتورينگ جٷرگٸزەتٸنٸن اتاپ ٶتتٸ.
