Qasym-Jomart Toqaev Aýǵanstan Islam Respýblikasynyń Prezidenti Muhammed Ashraf Ǵanimen kezdesti, dep habarlaidy "Ult aqparat".
Memleket basshysy Aýǵanstan Islam Respýblikasynyń Prezidentine iltipat bildirip, ekijaqty yntymaqtastyqtyń jáne kópjaqty formattaǵy ózara tyǵyz is-qimyldardyń joǵary deńgeide ekenin atap ótti.
– Prezident myrza, Sizben Shanhai yntymaqtastyq uiymynyń sammiti aiasynda Bishkek qalasynda kezdeskenime qýanyshtymyn. Bizdiń elderimiz yntymaqtastyqta mol tabysqa qol jetkizdi. Aldaǵy ýaqytta ózara yqpaldastyǵymyzdy keńeitý arqyly budan da jaqsy nátijeler kútemin, – dedi Qasym-Jomart Toqaev.
Muhammed Ashraf Ǵani Qasym-Jomart Toqaevqa kezdesýge múmkindik jasaǵanyna rizashylyq bildirdi. Memleket basshysyn prezident sailaýyndaǵy jeńisimen jáne Qazaqstan Prezidenti qyzmetine resmi kirisýimen quttyqtady. Aýǵanstan kóshbasshysy Qazaqstan halqynyń óz tańdaýy arqyly eldiń strategiialyq baǵdarynyń sabaqtastyǵyn tańdaǵanyn atap ótti.
Kezdesý sońynda Qasym-Jomart Toqaev Muhammed Ashraf Ǵanidyń qyzmetine tabys tiledi.
