قاسىم-جومارت توقاەۆ اۋعانستان يسلام رەسپۋبليكاسىنىڭ پرەزيدەنتٸ مۇحاممەد اشراف عانيمەن كەزدەستٸ, دەپ حابارلايدى "ۇلت اقپارات".
مەملەكەت باسشىسى اۋعانستان يسلام رەسپۋبليكاسىنىڭ پرەزيدەنتٸنە ٸلتيپات بٸلدٸرٸپ, ەكٸجاقتى ىنتىماقتاستىقتىڭ جەنە كٶپجاقتى فورماتتاعى ٶزارا تىعىز ٸس-قيمىلداردىڭ جوعارى دەڭگەيدە ەكەنٸن اتاپ ٶتتٸ.
– پرەزيدەنت مىرزا, سٸزبەن شانحاي ىنتىماقتاستىق ۇيىمىنىڭ سامميتٸ اياسىندا بٸشكەك قالاسىندا كەزدەسكەنٸمە قۋانىشتىمىن. بٸزدٸڭ ەلدەرٸمٸز ىنتىماقتاستىقتا مول تابىسقا قول جەتكٸزدٸ. الداعى ۋاقىتتا ٶزارا ىقپالداستىعىمىزدى كەڭەيتۋ ارقىلى بۇدان دا جاقسى نەتيجەلەر كٷتەمٸن, – دەدٸ قاسىم-جومارت توقاەۆ.
مۇحاممەد اشراف عاني قاسىم-جومارت توقاەۆقا كەزدەسۋگە مٷمكٸندٸك جاساعانىنا ريزاشىلىق بٸلدٸردٸ. مەملەكەت باسشىسىن پرەزيدەنت سايلاۋىنداعى جەڭٸسٸمەن جەنە قازاقستان پرەزيدەنتٸ قىزمەتٸنە رەسمي كٸرٸسۋٸمەن قۇتتىقتادى. اۋعانستان كٶشباسشىسى قازاقستان حالقىنىڭ ٶز تاڭداۋى ارقىلى ەلدٸڭ ستراتەگييالىق باعدارىنىڭ ساباقتاستىعىن تاڭداعانىن اتاپ ٶتتٸ.
كەزدەسۋ سوڭىندا قاسىم-جومارت توقاەۆ مۇحاممەد اشراف عانيدىڭ قىزمەتٸنە تابىس تٸلەدٸ.
