Aýdan ákimderiniń tikelei sailaý 2024 jyly ótkizý kerek dep sanaimyn. Bul týraly Ulttyq qoǵamdyq senim keńesiniń besinshi otyrysynda QR Prezidenti Qasym-Jomart Toqaev málim etti, dep habarlaidy «Ult aqparat».
«Kelesi mańyzdy qadam – aýdan ákimderiniń tikelei sailaýy. Men bul sailaýdy 2024 jyly ótkizý kerek dep sanaimyn. Osy bastama elimizdi demokratiialandyrýǵa jáne jergilikti basqarý institýtyn nyǵaitýǵa eleýli úles qosady dep senemin. Túptep kelgende, aýdandarda sailaý ótkizý – halyq biligin ortanýdyń aiqyn kórinisi bolmaq. Sondyqtan quzyrly memlekettik organdarǵa qajetti daiyndyq jumystaryn júrgizýdi tapsyramyn», - dedi Memleket basshysy.
Budan buryn habarlanǵandai, Ulttyq keńes otyrysynda Prezident qoljetimdi ári sapaly úi salýdy jandandyrý úshin qurylys kompaniialarymen offteik, iaǵni aldyn ala satyp alý kelisimin jasaý kerektigin aitty.
«Soǵan sáikes, turǵyn úiler «Nurly jer» baǵdarlamasyndaǵy baǵamen satyp alynady. Mundai tásil synaq jobalary aiasynda aldyn ala pysyqtaldy. Endi muny búkil el boiynsha júzege asyrǵan jón. Bul qadam az ýaqyttyń ishinde quny qoljetimdi jańa turǵyn úiler salýǵa múmkindik beredi», - dedi Q. Toqaev.
Eske salsaq, Ulttyq keńestiń besinshi otyrysy ótip jatyr. Ulttyq qoǵamdyq senim keńesi quramynda rotatsiia jasaldy. Jańartylǵan Májilis quramynda Ulttyq keńestiń 9 múshesi bar.
Ótken jyly 22 qazanda QR Prezidenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúiekte alǵashqy otyrysy boldy.
