اۋدان ەكٸمدەرٸنٸڭ تٸكەلەي سايلاۋ 2024 جىلى ٶتكٸزۋ كەرەك دەپ سانايمىن. بۇل تۋرالى ۇلتتىق قوعامدىق سەنٸم كەڭەسٸنٸڭ بەسٸنشٸ وتىرىسىندا قر پرەزيدەنتٸ قاسىم-جومارت توقاەۆ مەلٸم ەتتٸ, دەپ حابارلايدى «ۇلت اقپارات».
«كەلەسٸ ماڭىزدى قادام – اۋدان ەكٸمدەرٸنٸڭ تٸكەلەي سايلاۋى. مەن بۇل سايلاۋدى 2024 جىلى ٶتكٸزۋ كەرەك دەپ سانايمىن. وسى باستاما ەلٸمٸزدٸ دەموكراتييالاندىرۋعا جەنە جەرگٸلٸكتٸ باسقارۋ ينستيتۋتىن نىعايتۋعا ەلەۋلٸ ٷلەس قوسادى دەپ سەنەمٸن. تٷپتەپ كەلگەندە, اۋدانداردا سايلاۋ ٶتكٸزۋ – حالىق بيلٸگٸن ورتانۋدىڭ ايقىن كٶرٸنٸسٸ بولماق. سوندىقتان قۇزىرلى مەملەكەتتٸك ورگاندارعا قاجەتتٸ دايىندىق جۇمىستارىن جٷرگٸزۋدٸ تاپسىرامىن», - دەدٸ مەملەكەت باسشىسى.
بۇدان بۇرىن حابارلانعانداي, ۇلتتىق كەڭەس وتىرىسىندا پرەزيدەنت قولجەتٸمدٸ ەرٸ ساپالى ٷي سالۋدى جانداندىرۋ ٷشٸن قۇرىلىس كومپانييالارىمەن وففتەيك, ياعني الدىن الا ساتىپ الۋ كەلٸسٸمٸن جاساۋ كەرەكتٸگٸن ايتتى.
«سوعان سەيكەس, تۇرعىن ٷيلەر «نۇرلى جەر» باعدارلاماسىنداعى باعامەن ساتىپ الىنادى. مۇنداي تەسٸل سىناق جوبالارى اياسىندا الدىن الا پىسىقتالدى. ەندٸ مۇنى بٷكٸل ەل بويىنشا جٷزەگە اسىرعان جٶن. بۇل قادام از ۋاقىتتىڭ ٸشٸندە قۇنى قولجەتٸمدٸ جاڭا تۇرعىن ٷيلەر سالۋعا مٷمكٸندٸك بەرەدٸ», - دەدٸ ق. توقاەۆ.
ەسكە سالساق, ۇلتتىق كەڭەستٸڭ بەسٸنشٸ وتىرىسى ٶتٸپ جاتىر. ۇلتتىق قوعامدىق سەنٸم كەڭەسٸ قۇرامىندا روتاتسييا جاسالدى. جاڭارتىلعان مەجٸلٸس قۇرامىندا ۇلتتىق كەڭەستٸڭ 9 مٷشەسٸ بار.
ٶتكەن جىلى 22 قازاندا قر پرەزيدەنتٸ قاسىم-جومارت توقاەۆتىڭ قاتىسۋىمەن ۇلتتىق قوعامدىق سەنٸم كەڭەسٸنٸڭ تٶرتٸنشٸ وتىرىسى, ال 2019 جىلى 6 قىركٷيەكتە العاشقى وتىرىسى بولدى.
