Qazaqstan Prezidenti bolǵan Qasym-Jomart Toqaev Astananyń ataýyn ózgertýdi usyndy, dep habarlaidy Sputnik Qazaqstan tilshisi.
«Bizdiń uly zamandasymyzdyń, Qazaqstan Respýblikasynyń Tuńǵysh Prezidenti Nursultan Ábishuly Nazarbaevtyń esimin kelesi joldarmen máńgi este qaldyrý durys dep sanaimyn. Bizdiń astana Prezidentimizdiń esimimen Nursultan dep atalýy kerek. Mundai usynystar buryn, QR Táýelsizdiginiń 25 jyldyǵy tusynda da parlamenteriilermen, Parlament depýttarymen aitylǵan bolatyn. Budan bólek, bizdiń elordada Tuńǵysh Prezidenttiń qurmetine monýment ornatýdy usynamyn. Barlyq oblystyq qalalardyń basty kóshelerin - Nursultan Nazarbaev dep ataý durys dep dep esepteimin. Elbasyǵa bizdiń memlekettiń eń joǵarǵy ataqtaryna laiyqty. «Halyq qaharmany», «Eńbek eri» ataǵyn berýdi usynamyn. Senattyń burynǵy tóraǵasy retinde Elbasyǵa qurmetti senator mártebesin berý kerek dep esepteimin. Tuńǵysh Prezident túsirilgen barlyq sýretter men fotolar jariialy nysandardyń, memlekettik qyzmetshiler kabinetteriniń, oqý oryndary ǵimarattarynyń mindetti atribýty retinde qalady. Sonymen birge, Elbasynyń búkil ómir joly Tuńǵysh Prezident, Ult kóshbasshysy týraly zańǵa jáne ózge de zańnamalyq qujattarǵa sáikes qamtamasyz etiletin bolady. Elbasynyń atynda barlyq qyzmettik infraqurylymdar qalady», - dedi Qasym-Jomart Toqaev.
Eske sala ketsek, keshe Qazaqstannyń Tuńǵysh Prezidenti Nursultan Nazarbaev respýblika halqyna arnaǵan úndeýinde prezidenttik ókilettigin toqtatatynyn málimdegen edi. Prezidenttiń ókilettigi merziminen buryn toqtatylǵan jaǵdaida, onyń ókilettigi qalǵan merzimi aiaqtalǵanǵa deiin senat tóraǵasyna beriledi. Osylaisha Qazaqstan Prezidenti mindetin ýaqytsha atqarý senattyń qazirgi tóraǵasy Qasym-Jomart Toqaevqa júkteldi.
Aita ketsek, Nursultan Nazarbaev Qazaqstannyń qaýipsizdik keńesi men "Nur Otan" partiiasynyń basshysy bolyp qala beredi.
