Qazaqstan Prezidenti Qasym-Jomart Toqaev Arys qalasynda bolǵan oqiǵamen tanysý úshin Túrkistan oblysyna ózi ushyp shyǵady. Bul týraly Memleket basshysynyń baspasóz hatshysy Berik Ýáli málim etti, dep habarlaidy "Ult aqparat".
«Memleket basshysymen birge Premer-Ministrdiń orynbasary Jeńis Qasymbek jáne quzyrly memlekettik organdardyń basshylary da barady.
Prezident túske deiin Qorǵanys, Ishki ister ministrlerine jáne Túrkistan oblysynyń ákimine Arystaǵy jarylystyń zardaptaryn joiý jóninde shuǵyl sharalar qabyldaýdy, turǵyndardyń qaýipsizdigin qamtamasyz etýdi jáne jarylystyń sebepterin anyqtaýdy tapsyrǵan bolatyn», - dedi B.Ýáli.
