Qazaqstan Prezidenti Armeniia basshysyna Astana ekonomikalyq forýmyna qatysýǵa kelgeni úshin rizashylyǵyn bildirip, eki el arasyndaǵy yntymaqtastyq máselelerine toqtaldy, dep habarlaidy "Ult aqparat" Aqordaǵa silteme jasap.
– Qazaqstanda armian ultynyń ókilderi ózge etnostarmen jarasymdy ómir súrip, elimizdiń áleýmettik-ekonomikalyq damýyna zor úles qosyp keledi. Ekijaqty yntymaqtastyqtyń bastaýynda Tuńǵysh Prezident – Elbasy Nursultan Nazarbaev tur. Sol kisiniń ideiasynyń negizinde qurylǵan Eýraziialyq ekonomikalyq odaq aiasyndaǵy yntymaqtastyǵymyz da artyp keledi. Sonymen qatar BUU siiaqty ǵalamdyq, Ujymdyq qaýipsizdik sharty uiymy syndy aimaqtyq uiymdarda da ustanymymyz jaqyn, – dedi Qasym-Jomart Toqaev.
Armen Sarkisian taraptardyń ekonomikalyq bailanysyn arttyrýda Astana qarjy ortalyǵynyń mańyzy zor ekenin aitty.
– Biz halyqaralyq uiymdar aiasynda da, ekijaqty qarym-qatynasta da yntymaqtasa jumys istep kelemiz. Astana qarjy ortalyǵynyń qurylýy eki el arasyndaǵy ekonomikalyq bailanystardy odan ári damyta túsetinine senemin, – dedi Armen Sarkisian.
Taraptar eki el arasyndaǵy saýda ainalymynyń ótken jyly 30 paiyzǵa artqanyn atap ótip, aldaǵy ýaqytta osy baǵyttaǵy yntymaqtastyqty keńeite berýge ýaǵdalasty.
