Memleket basshysy Qasym-Jomart Toqaev memleket jáne qoǵam qairatkeri Anar Jaiylǵanovanyń otbasy men jaqyn týystaryna kóńil aitty, - dep habarlaidy «Ult aqparat» Aqordaǵa silteme jasap.
Prezident Qasym-Jomart Toqaev memleket jáne qoǵam qairatkeri Anar Nuralyqyzy Jaiylǵanovanyń dúnieden ótýine bailanysty otbasy men jaqyn týystaryna kóńil aitý jedelhatyn joldady.
"Anar Nuralyqyzy eseli eńbek etip, elimizdiń órkendeýine bar kúsh-jigerin jumsady. Kóptegen igi iske atsalysyp, ózin bilikti maman retinde kórsete bildi. Naǵyz memlekettik qyzmetshige tán qalpymen abyroily qyzmet atqarǵan Anar Nuralyqyzynyń esimi men beinesi umytylmaidy. Marqumnyń imany salamat, jany jánnatta bolsyn", – dep jazylǵan jedelhatta.
Aita keteiik, Memlekettik qyzmet isteri agenttiginiń burynǵy basshysy Anar Jaiylǵanova 55 jasynda qaitys boldy.
