Ashat Oralov partiia tóraǵasyna Almaty, Shymkent qalalaryndaǵy, Túrkistan jáne Shyǵys Qazaqstan oblystaryndaǵy jurtshylyqpen kezdesýlerdiń nátijeleri, sondai-aq qoǵamdyq qabyldaýlardyń jumystary jóninde baiandady. Naýryz aiynan beri Respýblikalyq mobildi qoǵamdyq qabyldaý 6 óńirde, atap aitqanda Aqmola, Qaraǵandy, Pavlodar, Qyzylorda, Soltústik Qazaqstan jáne Túrkistan oblystarynda turǵyndarmen kezdesýler ótkizdi. Maýsym aiynyń sońyna deiin elimizdiń barlyq óńirinde qabyldaýlardy jalǵastyrý josparlanyp otyr.
Budan bólek, Amanat partiiasynyń atqarýshy hatshysy negizgi baǵdarlamalyq qujattardy, partiia janyndaǵy qoǵamdyq keńesterdiń qyzmetin, jergilikti jerlerde sailaýaldy baǵdarlamanyń oryndalýyn tekserýdi, bastaýysh partiia uiymdarynyń jumysyn jandandyrý, sondai-aq "Ashyq partiia" tujyrymdamasy aiasynda Talqylau dialog alańynyń iske qosylǵany jóninde baiandady.
Prezident turǵyndarmen keri bailanys jasaý isin kúsheitý, aimaqtarda depýtattyq fraktsiialardyń tiimdiligin arttyrý jáne partiianyń jastar qanatyn jańǵyrtý qajettigine basa mán berdi.
Memleket basshysy azamattardy tolǵandyrǵan máselelerdi sheshý úshin Amanat partiiasynda barlyq qajetti resýrs bar ekenin atap ótti. Prezidenttiń pikirinshe, partiianyń aimaqtyq filialdary osy máselede negizgi ról atqarýǵa tiis jáne óz deńgeiinde mazmundy qoǵamdyq dialogty nyǵaitýy qajet.
