Foto: Akorda.kz
Prezident Qasym-Jomart Toqaev klassikalyq shahmat boiynsha álem chempiony ataǵy úshin saiysqa túsken Ian Nepomniashii men Din Lijendi, sondai-aq Halyqaralyq shahmat federatsiiasynyń (FIDE) prezidenti Arkadii Dvorkovichti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy qonaqtarǵa iltipat bildire otyryp, FIDE aiasyndaǵy áigili sportshylar qatysqan eń bedeldi týrnirdiń joǵary deńgeide uiymdastyrylǵanyn atap ótti.
"Men, eń aldymen, Din Lijen myrzany tartysty ótken saiysta álem chempony ataǵyn jeńip alýymen quttyqtaǵym keledi. Sondai-aq, grossmeister Ian Nepomniashiige kórsetken sheberligi úshin qurmetimdi bildiremin. Álemniń búkil shahmat qoǵamdastyǵy týrnirge nazar aýdardy. Shahmat jankúierleri sharshy taqtadaǵy oiyndy jiti baqylady. Týrnir sátti ótti dep esepteimin", - dedi Prezident.
Memleket basshysy Qazaqstanda shahmatty damytýǵa airyqsha kóńil bólinetinin aitty.
"Búginde elimizde 200 myńnan asa adam shahmatpen shuǵyldanady. Qazaqstan Respýblikasy Shahmat Federatsiiasynyń kómegimen jáne FIDE-niń atsalýymen bul kórsetkish keminde eki ese artýǵa tiis. Qazaqstanda shahmat tiisti deńgeide damidy", - dedi Qasym-Jomart Toqaev.
Kezdesý sońynda Prezident shahmatshylardyń biik belesterdi baǵyndyrýyna tilektestik bildirdi. Sondai-aq, FIDE-men aradaǵy yntymaqtastyqty odan ári jalǵastyrý mańyzdy ekenin atap ótti.
