فوتو: Akorda.kz
پرەزيدەنت قاسىم-جومارت توقاەۆ كلاسسيكالىق شاحمات بويىنشا ەلەم چەمپيونى اتاعى ٷشٸن سايىسقا تٷسكەن يان نەپومنياششيي مەن دين ليجەندٸ, سونداي-اق حالىقارالىق شاحمات فەدەراتسيياسىنىڭ (فيدە) پرەزيدەنتٸ اركاديي دۆوركوۆيچتٸ قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى قوناقتارعا ٸلتيپات بٸلدٸرە وتىرىپ, فيدە اياسىنداعى ەيگٸلٸ سپورتشىلار قاتىسقان ەڭ بەدەلدٸ تۋرنيردٸڭ جوعارى دەڭگەيدە ۇيىمداستىرىلعانىن اتاپ ٶتتٸ.
"مەن, ەڭ الدىمەن, دين ليجەن مىرزانى تارتىستى ٶتكەن سايىستا ەلەم چەمپونى اتاعىن جەڭٸپ الۋىمەن قۇتتىقتاعىم كەلەدٸ. سونداي-اق, گروسسمەيستەر يان نەپومنياششييگە كٶرسەتكەن شەبەرلٸگٸ ٷشٸن قۇرمەتٸمدٸ بٸلدٸرەمٸن. ەلەمنٸڭ بٷكٸل شاحمات قوعامداستىعى تۋرنيرگە نازار اۋداردى. شاحمات جانكٷيەرلەرٸ شارشى تاقتاداعى ويىندى جٸتٸ باقىلادى. تۋرنير سەتتٸ ٶتتٸ دەپ ەسەپتەيمٸن", - دەدٸ پرەزيدەنت.
مەملەكەت باسشىسى قازاقستاندا شاحماتتى دامىتۋعا ايرىقشا كٶڭٸل بٶلٸنەتٸنٸن ايتتى.
"بٷگٸندە ەلٸمٸزدە 200 مىڭنان اسا ادام شاحماتپەن شۇعىلدانادى. قازاقستان رەسپۋبليكاسى شاحمات فەدەراتسيياسىنىڭ كٶمەگٸمەن جەنە فيدە-نٸڭ اتسالۋىمەن بۇل كٶرسەتكٸش كەمٸندە ەكٸ ەسە ارتۋعا تيٸس. قازاقستاندا شاحمات تيٸستٸ دەڭگەيدە داميدى", - دەدٸ قاسىم-جومارت توقاەۆ.
كەزدەسۋ سوڭىندا پرەزيدەنت شاحماتشىلاردىڭ بيٸك بەلەستەردٸ باعىندىرۋىنا تٸلەكتەستٸك بٸلدٸردٸ. سونداي-اق, فيدە-مەن اراداعى ىنتىماقتاستىقتى ودان ەرٸ جالعاستىرۋ ماڭىزدى ەكەنٸن اتاپ ٶتتٸ.
