Foto: Aqorda
Memleket basshysy Qasym-Jomart Toqaev Alataý qalasyna arnaýly mártebe berý týraly jarlyqqa qol qoidy, dep habarlaidy Ult.kz.
Jarlyqtyń tolyq mátini Aqorda saitynda jariialanǵan.
Aita keteiik, prezident Qasym-Jomart Toqaev «Jasandy intellekt dáýirindegi Qazaqstan: ózekti máseleler jáne ony túbegeili tsifrlyq ózgerister arqyly sheshý» atty Qazaqstan halqyna Joldaýynda qalaǵa erekshe mártebe berý týraly aitqan edi.
«Qarqyndy ósip kele jatqan kóptegen memlekette damý kóshiniń basynda júretin qalalar investitsiialar men tehnologiialardy ózine tartatyn poliýske ainalǵan. Alataý qalasy elimizdiń jańa iskerlik jáne innovatsiialyq ortalyǵy bolýǵa tiis. Jalpyulttyq mańyzy bar osy jobany júzege asyrý úshin arnaiy jer bólindi, bastapqy josparlaý jumysy aiaqtaldy, infraqurylymnyń negizgi jelileri qosyldy. Jaqynda Qytaiǵa barǵan saparymda álemniń jetekshi kompaniialarymen quny milliardtaǵan qarjy turatyn kelisimder jasaldy. Shenchjen jahandyq tehnopolisin salýǵa qatysqan sondai kompaniianyń biri endi Alatau City jobasyn júzege asyrýǵa tikelei atsalysady. Kelesi qadam – Alatau City-diń myqty institýtsionaldyq negizderin qalyptastyrý. Sodan keiin jarty jyldan asyrmai, jeke zań qabyldaý qajet. Qujatta qalany basqarý rejimi, onyń qarjylyq modeli jáne basqa da mańyzdy máseleler qamtylýǵa tiis», - degen bolatyn Toqaev.
Prezident arnaiy quqyqtyq mártebe – qalaǵa beriletin artyqshylyq emes, jobanyń qaǵaz júzinde qalyp qoimai, naqty iske asýyna qajetti shara nemese qural ekenin aita ketken jón ekenin aitqan.
«Alatau City aimaqtaǵy tolyq tsifrlanǵan alǵashqy qalaǵa ainalýǵa tiis. Munda Smart City tehnologiialaryn qoldanýdan bastap taýarlar men qyzmet aqysyn kriptovaliýtamen tóleýge deiingi jańalyqtyń barlyǵy engizilýi kerek. Bul qala Qazaqstannyń keleshektegi kelbetin tanytpaq. Onda tehnologiialyq órleýge jáne ómir súrýge barynsha qolaily jaǵdai úilesim tabýy qajet», - degen edi Toqaev.
