Foto: Gov.kz
Memleket basshysy Qasym-Jomart Toqaev jasandy intellektini damytý jónindegi jiynda elordada iske asyrylyp jatqan «Aqyldy qala» jobasynyń mańyzdylyǵyn atap ótti. Prezidenttiń aitýynsha, Úkimet pen Astana ákimdigi bul baǵytta nátijeli jumys istep jatyr, dep habarlaidy Ult.kz.
Aýqymdy jobany resmi túrde iske qosý 2025 jylǵy jeltoqsan aiyna josparlanǵan. Memleket basshysy osy tájiribeni Qazaqstannyń barlyq iri qalalarynda qoldanýdy tapsyrdy.
Sonymen qatar Q.Toqaev tsifrlandyrý men jasandy intellektini damytý el úshin airyqsha mańyzǵa ie ekenin eskertip, Úkimetti formalizmnen aýlaq bolýǵa shaqyrdy. Ol jasandy intellekt quraldarynyń ekonomikanyń naqty sektoryna engizilý qarqyny baiaý ekenin aityp, bul baǵyttaǵy jumysty jedeldetýdi tapsyrdy.
Prezident Úkimetke jasandy intellektini damytýǵa arnalǵan keshendi baǵdarlama ázirleýdi tapsyrǵanyn jazǵan bolatynbyz.
