Memleket basshysy ákimderdiń órt sóndirý jumystary týraly esebin tyńdady, - dep habarlaidy "Ult aqparat" Aqordaǵa silteme jasap.
Prezident Qasym-Jomart Toqaev Almaty qalasy, Shyǵys Qazaqstan, Aqmola jáne Qaraǵandy oblystary ákimderiniń óńirlerdegi órt sóndirý jumystary týraly shuǵyl baiandamalaryn tyńdady.
Ákimder órt oshaqtaryn sóndirý úshin qarqyndy júrgizilip jatqan jumystar týraly, sondai-aq tabiǵi apatqa qarsy taiaýda atqarylatyn is-áreket josparlary týraly habarlady. Bul is-sharalarǵa Ulttyq ulan men Qarýly Kúshterdiń bólimsheleri jumyldyryldy.
Sonymen qatar Memleket basshysyna órt saldarynan bolǵan zalaldy qalpyna keltirý jáne zardap shekkenderge qajetti kómek kórsetý sharalary jóninde aityldy.
Sondai-aq ákimder óz aimaqtarynyń áleýmettik-ekonomikalyq jaǵdaiy týraly esep berdi.
Prezident premer-ministrge Tótenshe jaǵdailar ministrliginiń óńirlik bólimshelerin arnaýly tehnikamen jáne basqa da qajetti qural-jabdyqtarmen qamtamasyz etýdi tapsyrdy.
