Memleket basshysy Aqtaý qalasyna jumys sapary aiasynda Ábish Kekilbaiulynyń aty berilip, jańa ǵimaratqa kóshken Mańǵystaý oblystyq tarihi-ólketaný mýzeiiniń jumysymen tanysty, dep habarlaidy "Ult aqparat" Aqordaǵa silteme jasap.
Prezident Qasym-Jomart Toqaev sáýir aiynda Mańǵystaý oblysyna jasaǵan jumys sapary kezinde aimaq ákimdigine mýzei qurylysyn sapaly ári ýaqytyly aiaqtaýdy tapsyrǵan bolatyn. Memleket basshysynyń tapsyrmasyna sáikes, Ábish Kekilbaiuly atyndaǵy Mańǵystaý oblystyq tarihi-ólketaný mýzeii zańǵar jazýshynyń 80 jyldyq mereitoiy sheńberinde paidalanýǵa berildi.
Jalpy, bul keshen «Ábish Kekilbaiuly mádeni ortalyǵy» dep atalady. Onda Mańǵystaý oblystyq tarihi-ólketaný mýzeiinen bólek, kitaphana men oblystyq mýzykalyq-drama teatrdyń ǵimaraty da salynady. Keshenniń qurylysy biylǵy qańtar aiynda bastalǵan. Tolyq aiaqtalýy 2020 jyldyń jeltoqsan aiyna josparlanǵan. Onyń jalpy aýmaǵy 10,6 gektar jerdi quraidy.
Memleket basshysy Qasym-Jomart Toqaev oblystyq mýzeidiń jańa ǵimaratyn aralap kórdi. Estelik kitapqa tilegin jazyp, qoltańba qaldyrdy.
