مەملەكەت باسشىسى اقتاۋ قالاسىنا جۇمىس ساپارى اياسىندا ەبٸش كەكٸلبايۇلىنىڭ اتى بەرٸلٸپ, جاڭا عيماراتقا كٶشكەن ماڭعىستاۋ وبلىستىق تاريحي-ٶلكەتانۋ مۋزەيٸنٸڭ جۇمىسىمەن تانىستى, دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنت قاسىم-جومارت توقاەۆ سەۋٸر ايىندا ماڭعىستاۋ وبلىسىنا جاساعان جۇمىس ساپارى كەزٸندە ايماق ەكٸمدٸگٸنە مۋزەي قۇرىلىسىن ساپالى ەرٸ ۋاقىتىلى اياقتاۋدى تاپسىرعان بولاتىن. مەملەكەت باسشىسىنىڭ تاپسىرماسىنا سەيكەس, ەبٸش كەكٸلبايۇلى اتىنداعى ماڭعىستاۋ وبلىستىق تاريحي-ٶلكەتانۋ مۋزەيٸ زاڭعار جازۋشىنىڭ 80 جىلدىق مەرەيتويى شەڭبەرٸندە پايدالانۋعا بەرٸلدٸ.
جالپى, بۇل كەشەن «ەبٸش كەكٸلبايۇلى مەدەني ورتالىعى» دەپ اتالادى. وندا ماڭعىستاۋ وبلىستىق تاريحي-ٶلكەتانۋ مۋزەيٸنەن بٶلەك, كٸتاپحانا مەن وبلىستىق مۋزىكالىق-دراما تەاتردىڭ عيماراتى دا سالىنادى. كەشەننٸڭ قۇرىلىسى بيىلعى قاڭتار ايىندا باستالعان. تولىق اياقتالۋى 2020 جىلدىڭ جەلتوقسان ايىنا جوسپارلانعان. ونىڭ جالپى اۋماعى 10,6 گەكتار جەردٸ قۇرايدى.
مەملەكەت باسشىسى قاسىم-جومارت توقاەۆ وبلىستىق مۋزەيدٸڭ جاڭا عيماراتىن ارالاپ كٶردٸ. ەستەلٸك كٸتاپقا تٸلەگٸن جازىپ, قولتاڭبا قالدىردى.
