Memleket basshysy Qasym-Jomart Toqaev pen Qazaqstannyń Tuńǵysh Prezidenti – Elbasy Nursultan Nazarbaev qazaqtyń uly oishyly, ǵulama aqyn Abai Qunanbaiulynyń 175 jyldyq mereitoiynyń bastalýyna arnalǵan saltanatty sharaǵa qatysty, dep habaralidy "Ult aqparat" Aqordaǵa silteme jasap.
Qasym-Jomart Toqaev pen Nursultan Nazarbaev elimizdiń barlyq óńirinde jáne shetelderde jyl boiyna ótetin merekelik sharalardy resmi túrde bastap berdi.
«Qazaq halqy – Abaidyń halqy» atty merekelik kontsert «Astana opera» memlekettik opera jáne balet teatrynda ótti.
Kontsert baǵdarlamasyna Abaidyń barlyq mýzykalyq murasy engen. Aqyn shyǵarmalaryn KSRO jáne Qazaqstannyń halyq ártisteri Asanáli Áshimov, Álibek Dinishev, Roza Rymbaeva, belgili mádeniet qairatkerleri Maira Muhamedqyzy, Aiman Musaqojaeva, Berik Aitjanov, sondai-aq, halyqaralyq jáne respýblikalyq baiqaýlardyń laýreattary men talantty jastar oryndady.
