QR Prezidenti Qasym-Jomart Toqaev Aqparat jáne qoǵamdyq damý ministri Dáýren Abaevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Prezidentke memlekettiń aqparattyq saiasatynyń tetikterin jetildirý, azamattyq qoǵammen yqpaldastyqty nyǵaitý, jastardyń bastamalary men jobalaryna qoldaý kórsetý, sondai-aq, diasporalyq jáne dini saiasat baǵytynda josparlanǵan sharalar týraly baiandaldy.
Qasym-Jomart Toqaev Volonter jylynyń tiimdi ótkizilýine, eriktilerge qoldaý kórsetýdiń naqty institýttaryn qalyptastyrýǵa erekshe kóńil bólýdi tapsyrdy.
Memleket basshysy «halyq únine qulaq asatyn memleket» tujyrymdamasyn júzege asyrýǵa azamattyq qoǵamdy tartýdyń, «Ashyq Úkimet» qaǵidattaryn damytýdyń mańyzy zor ekenin aitty.
Sonymen qatar Prezident qazaqstandyq mass-mediany qoldaýǵa baǵyttalǵan naqty sharalar qabyldaý jóninde tapsyrma berdi.
