Foto: Turar Qazanǵapov
Memleket basshysy Qasym-Jomart Toqaev Ázerbaijan basshysy Ilham Álievpen kezdesýinde 90-jyldary memleketter arasynda bolǵan problemalar búginde kishkene ári eleýsiz bolyp kórinetinin atap ótti, - dep habarlaidy Tengrinews.kz agenttigi.
"Ol kezder esimde, sizdiń de esińizde bolar, 90-jyldary memleketter arasynda búgingi kózqaraspen qaraǵanda kishkene, eleýsiz bolyp kórinetin problemalar bolǵan. Biraq olar boldy. 8 million dollar qaryz máselesin talqylaǵanymyz esimde. Osyndai másele boldy, esińizde me? Qazir bizdiń yntymaqtastyǵymyz strategiialyq sipatta dep beker aitqan joqpyz. Bul jai ǵana aitylǵan sózder emes", - dedi Prezident kezdesýde.
Memleket basshysy Ilham Álievti Qazaqstanda tanitynyn jáne ony qoldaitynyn aitty. Osyǵan orai Toqaev Álievti joǵary dárejeli "Altyn Qyran" ordenimen marapattady.
"Sizdiń myqty bedeldi basshylyǵyńyzben Ázerbaijan Respýblikasynyń aýmaqtyq tutastyǵyn qalpyna keltirý jónindegi tarihi mańyzdy mindet aiaqtaldy. Qazaqstan árqashan memleketterdiń aýmaqtyq tutastyǵy qaǵidatyn qoldady. Ázerbaijanǵa qatysty bul qazirgi zamanǵy halyqaralyq quqyqqa tolyq sáikes keletin ádiletti qaǵidat. Bul jerde tilimiz ortaq, kózqarastarymyz ortaq. Bul bolashaqta bizdiń yntymaqtastyǵymyzdy ilgeriletýge jaqsy negiz bolady dep oilaimyn", - dep túiindedi Toqaev.
