Ulytaý oblysynda jol qozǵalysy erejelerin óreskel buzǵan úilený kortejine qatysty daýly oqiǵadan keiin sot sheshimi shyqty. Quqyq buzýshylyq jasaǵandardyń biri – «Qazaqstan stýdentteri aliansynyń» 24 jastaǵy jetekshisi ári stýdenttik ombýdsmen ákimshilik qamaýǵa alyndy, dep habarlaidy ult.kz.
Qarajal qalalyq soty azamatty usaq buzaqylyq jasaǵany úshin kináli dep tanyp, oǵan 10 táýlikke ákimshilik qamaý jazasyn taǵaiyndady.
Ulytaý oblystyq sotynyń málimetinshe, sot istiń barlyq mán-jaiyn qarastyryp, 20 AEK kólemindegi aiyppul bul jaǵdaida jetkiliksiz degen qorytyndyǵa kelgen.
Oqiǵa áleýmettik jelilerde taraǵan úilený kortejiniń beinejazbasynan keiin qoǵam nazaryn aýdarǵan. Kadrlarda birneshe kóliktiń jol qozǵalysy erejelerin óreskel buzǵany baiqalǵan.
Beinejazbany kortejge qatysýshylardyń biri túsirgen. Onda onyń jol talǵamaityn kóliktiń liýginen shyǵyp, smartfon arqyly kólikterdiń qozǵalysyn túsirip turǵany kórinedi. Keiin video Instagram jelisinde jariialanyp, kópshilik arasynda keń taraǵan.
Osy derek boiynsha Ulytaý oblysynyń politsiia departamenti tekserý júrgizdi. Nátijesinde zań buzǵan júrgizýshilerge qatysty sharalar qabyldanyp, birneshe kólik aiyp turaǵyna qoiyldy. Jalpy 22 ákimshilik hattama toltyrylyp, bes júrgizýshi kólik basqarý quqyǵynan aiyryldy.
Sot barysynda aiyptalýshy óz kinásin tolyq moiyndap, jasaǵan áreketine ókinish bildirdi.
Sot sheshimimen oǵan usaq buzaqylyq jasaǵany úshin 10 táýlik ákimshilik qamaý jazasy taǵaiyndaldy.
