Jetisaida toi ústinde ýaǵyz aityp, qonaqtardy erler men áielder bolyp bólek otyrýǵa shaqyrǵan 66 jastaǵy qariianyń qyzy Memleket basshysy Qasym-Jomart Toqaevqa úndeý jasady, dep habarlaidy ult.kz.
Áleýmettik jelide jariialanǵan beineúndeýinde ol ákesiniń radikaldy kózqarasty ustanbaitynyn aityp, Prezidentten isti qaita qaraýdy surady.
Qyzdyń sózinshe, oqiǵa jabyq otbasylyq jiynda bolǵan. Al toi kezinde túsirilgen videony ánshi Roza Álqoja ruqsatsyz jariialaǵan.
Ol ákesiniń densaýlyǵyna qatysty da alańdaýshylyq bildirdi. Aitýynsha, 66 jastaǵy er adam buǵan deiin jol apatyna túsip, basyna ota jasatqan. Sonymen qatar sońǵy ýaqytta birneshe jaqynynan aiyrylǵan, bul jaǵdai onyń psihologiialyq jaǵdaiyna áser etken.
«Ákeme keshirimmen qaraýdy suraimyn», – dedi ol.
Qariianyń qyzy Memleket basshysynan istiń barlyq mán-jaiyn jan-jaqty qarap, ádil sheshim qabyldaýdy ótindi.
Eske salaiyq, tamyz aiynyń basynda Jetisaida toi ústinde sóz sóilegen 66 jastaǵy er adam óner adamdaryn synap, erler men áielderdiń bólek otyrýyn talap etken. Keiin oǵan dini alaýyzdyq qozdyrdy degen aiyp taǵylyp, qamaýǵa alynǵany habarlandy.
