Kollaj: Ulysmedia.kz
Ulttyq ekonomika ministrligi janyndaǵy Basqarýshy keńestiń tóraǵasy Oljas Qudaibergenov vitse-premer Eraly Toǵjanovtyń jumysyn ashyq synǵa aldy, dep habarlaidy Ulysmedia.kz.
Ekonomistiń pikirinshe, Úkimettiń keńeitilgen otyrysynda Prezident Úkimet jumysyna diplomatiialyq turǵydan ortasha degen baǵa bergenimen, shyn máninde memleket basshysynyń ministrler kabinetiniń jumysyna kóńili tolmaidy.
“Men memlekettik basqarý júiesi bir ǵana aspektide ǵana ózgerdi dep aita alamyn. Otbasy faktory joiyldy. Áitpese, áste eshteńe ózgere qoiǵan joq. Sol baiaǵy biýrokratiia, sheshim qabyldaýdan qorqý, óz balalaryn, týystaryn qajetti qyzmetke kóterý” dep jazdy Qudaibergenov jelidegi paraqshasynda.
Onyń aitýynsha, Úkimettiń búkil imidjine keri áser etetin keiipkerler de bar.
“Máselen, Premer-Ministrdiń orynbasary Toǵjanov jalpy el tarihyndaǵy óz qyzmetin oryndai almaityn eń nashar orynbasar bolyp tabylady. Oǵan aýyldy da senip tapsyra almaisyń. Taǵy da bir osyndai sheneýnikter bar. Olar óz kreslosy úshin alańdamaidy, alaida ózgelerge ártúrli laýazymdy berýge atsalysyp júr. Olar barda Jańa Qazaqstan artyq múmkindikterge qol jetkize almaidy”, – deidi ekonomist.
Eske sala keteiik, keshe Úkimettiń keńeitilgen otyrysynda Prezident Úkimettiń jumysyn ortasha dep baǵalady.
