كوللاج: Ulysmedia.kz
ۇلتتىق ەكونوميكا مينيسترلٸگٸ جانىنداعى باسقارۋشى كەڭەستٸڭ تٶراعاسى ولجاس قۇدايبەرگەنوۆ ۆيتسە-پرەمەر ەرالى توعجانوۆتىڭ جۇمىسىن اشىق سىنعا الدى, دەپ حابارلايدى Ulysmedia.kz.
ەكونوميستٸڭ پٸكٸرٸنشە, ٷكٸمەتتٸڭ كەڭەيتٸلگەن وتىرىسىندا پرەزيدەنت ٷكٸمەت جۇمىسىنا ديپلوماتييالىق تۇرعىدان ورتاشا دەگەن باعا بەرگەنٸمەن, شىن مەنٸندە مەملەكەت باسشىسىنىڭ مينيسترلەر كابينەتٸنٸڭ جۇمىسىنا كٶڭٸلٸ تولمايدى.
“مەن مەملەكەتتٸك باسقارۋ جٷيەسٸ بٸر عانا اسپەكتٸدە عانا ٶزگەردٸ دەپ ايتا الامىن. وتباسى فاكتورى جويىلدى. ەيتپەسە, ەستە ەشتەڭە ٶزگەرە قويعان جوق. سول باياعى بيۋروكراتييا, شەشٸم قابىلداۋدان قورقۋ, ٶز بالالارىن, تۋىستارىن قاجەتتٸ قىزمەتكە كٶتەرۋ” دەپ جازدى قۇدايبەرگەنوۆ جەلٸدەگٸ پاراقشاسىندا.
ونىڭ ايتۋىنشا, ٷكٸمەتتٸڭ بٷكٸل يميدجٸنە كەرٸ ەسەر ەتەتٸن كەيٸپكەرلەر دە بار.
“مەسەلەن, پرەمەر-مينيستردٸڭ ورىنباسارى توعجانوۆ جالپى ەل تاريحىنداعى ٶز قىزمەتٸن ورىنداي المايتىن ەڭ ناشار ورىنباسار بولىپ تابىلادى. وعان اۋىلدى دا سەنٸپ تاپسىرا المايسىڭ. تاعى دا بٸر وسىنداي شەنەۋنٸكتەر بار. ولار ٶز كرەسلوسى ٷشٸن الاڭدامايدى, الايدا ٶزگەلەرگە ەرتٷرلٸ لاۋازىمدى بەرۋگە اتسالىسىپ جٷر. ولار باردا جاڭا قازاقستان ارتىق مٷمكٸندٸكتەرگە قول جەتكٸزە المايدى”, – دەيدٸ ەكونوميست.
ەسكە سالا كەتەيٸك, كەشە ٷكٸمەتتٸڭ كەڭەيتٸلگەن وتىرىسىندا پرەزيدەنت ٷكٸمەتتٸڭ جۇمىسىن ورتاشا دەپ باعالادى.
