Búgin Premer-Ministrdiń orynbasary Eraly Toǵjanov Ashyq jobasyna belsendi qatysatyn biznes-qoǵamdastyq ókilderimen onlainda kezdesý ótkizdi, dep habarlaidy "Ult aqparat" primeminister.kz-ke silteme jasap.
Atalmysh joba Memleket basshysynyń tapsyrmasy boiynsha iske asyryldy jáne búgingi kúni óziniń tiimdiligin kórsetti. Keńeske memlekettik organdardyń basshylary, barlyq óńirlerdiń ákimdikteri, «Atameken» ulttyq kásipkerler palatasy jáne Ashyq jobasynyń kóshbasshylary qatysty. Qazir Ashyq júiesinde 45 myńnan astam kásipkerlik obektisi jumys isteidi, 4 mln astam paidalanýshy tirkelgen. Ashyq jobasy engizilgen sátten bastap «qyzyl» jáne «sary» mártebesi bar 23 myńnan astam kelýshi anyqtaldy (onyń ishinde oń PTR testi bar 13 516 azamat jáne 9 688 – naýqastarmen qarym-qatynasta bolǵandar).
Vitse-premer elimizdegi epidemiologiialyq jaǵdai óte kúrdeli ekenin, 16 óńir «qyzyl» aimaqta turǵanyn atap ótti. Elimizdiń emdeý statsionarlaryndaǵy tósek oryndarynyń tolymdylyǵy 54%-ǵa jetti. Densaýlyq saqtaý júiesi ótken jylmen salystyrǵanda eki ese kóp júktememen jumys jasap jatyr.
Koronavirýs infektsiiasyn taratpaý jónindegi jaǵdaidy basqarý, kásipkerler tarapynan eldegi kúrdeli jaǵdaiǵa túsinistikpen qaraýy jáne járdemdesýi pandemiiamen kúreste óte mańyzdy faktor.
Ashyq júiesi aiasyndaǵy jumys áleýmettik-ekonomikalyq nysandardaǵy sanitariia-epidemiologiia jaǵdaiyn baqylaýǵa alyp qana qoimai, biznestiń fýnktsionalyn joǵaltpaýǵa, jumys oryndaryn saqtaýǵa múmkindik berdi. Biznes ókilderi óz tarapynan karantin jaǵdaiynda jumys isteýge múmkindik bergeni úshin alǵys bildirip, ózderine alǵan barlyq mindettemeni odan ári saqtaýdy jalǵastyratynyn jáne áriptesterin de osyǵan shaqyratynyn jetkizdi.
Sondai-aq, kásipkerler eki aptanyń monitoringi boiynsha 2-9 tamyz aralyǵynda úzdik kórsetkishterge ie bolǵan júie kóshbasshylaryna demalys kúnderi jumys isteýge múmkindik berýdi qarastyrý týraly bastama kóterdi. Budan bólek, Ashyq jobasy kóshbasshylarynyń qoǵamdyq qozǵalysyn qurý týraly sheshim qabyldandy.
Kezdesýdi qorytyndylai kele, premer-ministrdiń orynbasary jaýapty memlekettik organdar men ákimdikterge «Atameken» UKP-men birlesip, barlyq aitylǵan bastamalardy pysyqtaýdy jáne qajet bolǵan jaǵdaida koronavirýs infektsiiasynyń taralýyna jol bermeý jónindegi vedomstvoaralyq komissiia otyrysynda kelisilgen usynystardy engizýdi tapsyrdy.
