بٷگٸن پرەمەر-مينيستردٸڭ ورىنباسارى ەرالى توعجانوۆ Ashyq جوباسىنا بەلسەندٸ قاتىساتىن بيزنەس-قوعامداستىق ٶكٸلدەرٸمەن ونلايندا كەزدەسۋ ٶتكٸزدٸ, دەپ حابارلايدى "ۇلت اقپارات" primeminister.kz-كە سٸلتەمە جاساپ.
اتالمىش جوبا مەملەكەت باسشىسىنىڭ تاپسىرماسى بويىنشا ٸسكە اسىرىلدى جەنە بٷگٸنگٸ كٷنٸ ٶزٸنٸڭ تيٸمدٸلٸگٸن كٶرسەتتٸ. كەڭەسكە مەملەكەتتٸك ورگانداردىڭ باسشىلارى, بارلىق ٶڭٸرلەردٸڭ ەكٸمدٸكتەرٸ, «اتامەكەن» ۇلتتىق كەسٸپكەرلەر پالاتاسى جەنە Ashyq جوباسىنىڭ كٶشباسشىلارى قاتىستى. قازٸر Ashyq جٷيەسٸندە 45 مىڭنان استام كەسٸپكەرلٸك وبەكتٸسٸ جۇمىس ٸستەيدٸ, 4 ملن استام پايدالانۋشى تٸركەلگەن. Ashyq جوباسى ەنگٸزٸلگەن سەتتەن باستاپ «قىزىل» جەنە «سارى» مەرتەبەسٸ بار 23 مىڭنان استام كەلۋشٸ انىقتالدى (ونىڭ ٸشٸندە وڭ پتر تەستٸ بار 13 516 ازامات جەنە 9 688 – ناۋقاستارمەن قارىم-قاتىناستا بولعاندار).
ۆيتسە-پرەمەر ەلٸمٸزدەگٸ ەپيدەميولوگييالىق جاعداي ٶتە كٷردەلٸ ەكەنٸن, 16 ٶڭٸر «قىزىل» ايماقتا تۇرعانىن اتاپ ٶتتٸ. ەلٸمٸزدٸڭ ەمدەۋ ستاتسيونارلارىنداعى تٶسەك ورىندارىنىڭ تولىمدىلىعى 54%-عا جەتتٸ. دەنساۋلىق ساقتاۋ جٷيەسٸ ٶتكەن جىلمەن سالىستىرعاندا ەكٸ ەسە كٶپ جٷكتەمەمەن جۇمىس جاساپ جاتىر.
كوروناۆيرۋس ينفەكتسيياسىن تاراتپاۋ جٶنٸندەگٸ جاعدايدى باسقارۋ, كەسٸپكەرلەر تاراپىنان ەلدەگٸ كٷردەلٸ جاعدايعا تٷسٸنٸستٸكپەن قاراۋى جەنە جەردەمدەسۋٸ پاندەمييامەن كٷرەستە ٶتە ماڭىزدى فاكتور.
Ashyq جٷيەسٸ اياسىنداعى جۇمىس ەلەۋمەتتٸك-ەكونوميكالىق نىساندارداعى سانيتارييا-ەپيدەميولوگييا جاعدايىن باقىلاۋعا الىپ قانا قويماي, بيزنەستٸڭ فۋنكتسيونالىن جوعالتپاۋعا, جۇمىس ورىندارىن ساقتاۋعا مٷمكٸندٸك بەردٸ. بيزنەس ٶكٸلدەرٸ ٶز تاراپىنان كارانتين جاعدايىندا جۇمىس ٸستەۋگە مٷمكٸندٸك بەرگەنٸ ٷشٸن العىس بٸلدٸرٸپ, ٶزدەرٸنە العان بارلىق مٸندەتتەمەنٸ ودان ەرٸ ساقتاۋدى جالعاستىراتىنىن جەنە ەرٸپتەستەرٸن دە وسىعان شاقىراتىنىن جەتكٸزدٸ.
سونداي-اق, كەسٸپكەرلەر ەكٸ اپتانىڭ مونيتورينگٸ بويىنشا 2-9 تامىز ارالىعىندا ٷزدٸك كٶرسەتكٸشتەرگە يە بولعان جٷيە كٶشباسشىلارىنا دەمالىس كٷندەرٸ جۇمىس ٸستەۋگە مٷمكٸندٸك بەرۋدٸ قاراستىرۋ تۋرالى باستاما كٶتەردٸ. بۇدان بٶلەك, Ashyq جوباسى كٶشباسشىلارىنىڭ قوعامدىق قوزعالىسىن قۇرۋ تۋرالى شەشٸم قابىلداندى.
كەزدەسۋدٸ قورىتىندىلاي كەلە, پرەمەر-مينيستردٸڭ ورىنباسارى جاۋاپتى مەملەكەتتٸك ورگاندار مەن ەكٸمدٸكتەرگە «اتامەكەن» ۇكپ-مەن بٸرلەسٸپ, بارلىق ايتىلعان باستامالاردى پىسىقتاۋدى جەنە قاجەت بولعان جاعدايدا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا وتىرىسىندا كەلٸسٸلگەن ۇسىنىستاردى ەنگٸزۋدٸ تاپسىردى.
