Jaýapty sala basshylary otandyq QazVac vaktsinasyn Dúniejúzilik densaýlyq saqtaý uiymynda tirkeý máselesin qysqa merzimde pysyqtaýǵa mindetteldi, dep habarlaidy "Ult aqparat".
Bul týraly búgin QR Premer-Ministriniń orynbasary Eraly Toǵjanovtyń tóraǵalyǵymen el aýmaǵynda koronavirýstyq infektsiianyń taralýyna jol bermeý jónindegi vedomstvoaralyq komissiianyń otyrysynda aityldy.
Otyrys barysynda vitse-premer Memleket basshysynyń tapsyrmalaryn oryndaý boiynsha qysqa merzimde sharalar qabyldaýdy, atap aitqanda, Dúniejúzilik densaýlyq saqtaý uiymynda QazVac otandyq vaktsinasyn tirkeý jáne ony odan ári úshinshi elderdiń naryqtaryna ilgeriltý máselesin pysyqtaýdy, osy baǵytta jol kartasyn ázirleýdi tapsyrdy.
