QR Premer-Ministriniń orynbasary Eraly Toǵjanov Pfizer vaktsinasyn egýdi talap etken qazaqstandyqtarǵa jaýap berdi, dep habarlaidy QazAqparat.
«Ótkende, kezdesýlerde «Pfizer qaida, Pfizer qaida?» dep eldiń bári qoimaidy. Búginde QazVac sapa deńgeii jaǵynan 86-dan 92 paiyzǵa deiin kem emes. Bul - óte baiypty nátije. Búginde birde-bir vaktsina mundai deńgeide maqtana almaidy. Sondyqtan da jýrnalisterge kezdesý barysynda bárin túsindirdik. Bul jaiynda aita beretin bolamyz», - dedi Úkimet basshysynyń orynbasary Bilim jáne ǵylym ministrliginiń keńeitilgen alqa otyrysynda.
Osy rette vitse-premer qazaqtyń «Qolda bar altynnyń qadiri joq» degen maqalyn alǵa tartty.
«Basqa eldiń vaktsinasy kerek dep qoimaidy. Ózimizdiń vaktsina týraly bireýi aýzyn ashpaidy. Ózimizdi ózimiz aitpaǵanda kim aitady? Basqa memleketter aityp jatyr. Sonyń bárin eskereiik. Munyń bárin muqiiat qarastyrý kerek», - dedi Eraly Toǵjanov.
