Prezident Qasym-Jomart Toqaev premer-ministrdiń orynbasary Eraly Toǵjanovty qabyldady, - dep habarlaidy "Ult aqparat" Aqordaǵa silteme jasap.
Memleket basshysyna Halyqtyń tabysyn arttyrý baǵdarlamasynyń júzege asyrylý barysy týraly málimet berildi.
Eraly Toǵjanov Qasym-Jomart Toqaevqa birinshi jartyjyldyqtyń qorytyndysy boiynsha baǵdarlama sharalary aiasynda biýdjet salasyndaǵy 850 myń qyzmetkerdiń, kvazisektordyń óndiristik baǵytynda jumys isteitin 240 myń jáne biznes qurylymdaryndaǵy 1,2 million eńbekkerdiń jalaqysy óskenin baiandady.
Prezidentke Úkimettiń barlyq áleýmettik mindettemelerdi oryndap jatqany týraly aityldy. Jergilikti atqarýshy organdarmen birlesip, tabysy joq azamattardyń ekonomikaǵa áleýmettik turǵydan jumyldyrylýyna qatysty keshendi sharalar atqarylyp jatyr. Bul rette olarǵa jumys oryndary ashylyp, jańa kásip túrlerin meńgerý úshin biliktilikterin arttyrýǵa múmkindik jasalýda.
Premer-ministr orynbasarynyń aitýynsha, 2025 jylǵa deiingi investitsiialyq jobalardy júzege asyrý aiasynda 2 millionnan astam jumys ornyn ashý josparlanǵan. Onyń 444 myńy biyl ashylmaq. 1 shildedegi málimet boiynsha 249 myń adam jumyspen qamtylǵan. Bul jyldyq jospardyń 56 paiyzyna sáikes keledi.
Ákimdiktermen birlesip, óńdeý ónerkásibi, munai-gaz himiiasy salarynda jáne agrarlyq sektorda 2025 jylǵa deiingi investitsiialyq jobalar pýly jasaqtalǵan. Bul tizimde 266 myńnan astam adamdy jumyspen qamtityn 847-ge jýyq joba bar.
Sonymen qatar Memleket basshysyna "Jastar taǵylymdamasy" jáne "Alǵashqy jumys orny" jobalary boiynsha taǵylymdamadan ótý merzimin uzartý, eńbekaqy kólemin arttyrý jáne jastardyń jańa biznes ideialaryn júzege asyrýǵa bólinetin granttardyń kólemin ósirý jóninde baiandaldy. Halyqtyń áleýmettik jaǵdaiy tómen toptaryna jatatyn azamattardyń turaqty tabys tabýy úshin jaǵdai jasalýda jáne áielderdi jumyspen qamtý tetigi ázirlendi.
Kezdesý sońynda Memleket basshysy halyqtyń tabysyn arttyrýdyń mańyzdylyǵyn jáne munyń ulttyq jobalarda kózdelgen maqsattarǵa qol jetkizýge tikelei bailanysty ekenin atap ótti. Úkimetke atalǵan máselelerdi erekshe baqylaýda ustaý tapsyryldy. Prezident azamattardyń tabysyn arttyrý jumystary barlyq ortalyq jáne jergilikti atqarý organdary úshin basty mindet bolýǵa tiis dep sanaidy.
