Memleket basshysy Qasym-Jomart Toqaev Úkimettiń keńeitilgen otyrysynda pandemiia kezindegi oqytý sapasyn synǵa aldy, dep habarlaidy QazAqparat.
«Ótken oqý jyly negizinen onlain formatta ótti. Bilim berý sapasyna munyń keri áseri bolǵany ras. Ahýaldy túzetý úshin osy baǵytta qandai is sharalar qolǵa alyndy?», - dep suraq qoidy Prezident QR Premer-Ministriniń orynbasary Eraly Toǵjanovqa.
Toǵjanov bul baǵytta birneshe naqty sharalar belgilengenin aitty.
«Birinshiden, 25 mamyrdan 19 maýsymǵa deiin respýblika boiynsha 1 millionnan asa oqýshyny qamtyǵan qashyqtan bilim alýshylar úshin jazǵy mektep uiymdastyryldy. Ekinshiden, jazǵy ýaqytta ustazdar úshin biliktilikti arttyrý boiynsha pándik kýrstar uiymdastyryldy.
Úshinshiden, Bilim ministrligi negizgi pánder boiynsha postkovidtik bilim sapasyn qalpyna keltirýge arnalǵan arnaiy oqý baǵdarlamasyn ázirlep otyr. Munda negizgi baǵyt kúrdeli taqyryptarǵa bailanysty, ol kúrdeli taqyryptar anyqtaldy, jańa oqý jylynda olardy jetildirý úshin de arnaiy ýaqyt bólinedi. Tórtinshiden, oqý protsesi kezinde artta qalǵan balalar úshin arnaiy jeke jáne toptyq sabaqtar da ótedi. Biz sózben aitqanda, naqty sharalardyń bári júieli túrde júzege asyrylady», - dep jaýap berdi Toǵjanov.
