Biyl halyqty meditsinalyq ońaltý sharalaryna 66 mlrd teńge jumsalmaq. QR Premer-Ministriniń orynbasary Eraly Toǵjanov Densaýlyq saqtaý ministrligine osy qarajatty qaita qaraýdy tapsyrdy, dep habarlaidy QazAqparat.
«Meditsinalyq ońaltýdy damytý baǵytynda aitarlyqtai ózgerister bar. Salany qarjylyq qamtamasyz etý kólemi ulǵaidy. Maǵan berilgen derekter boiynsha, meditsinalyq ońaltýǵa 2022 jyly 66 mlrd teńge qarastyrylǵan. Bul 2019 jylmen salystyrǵanda 11 ese kóp. Biraq osy jerde mende basqa suraq týyndap otyr. Bul úlken eseppen alǵanda óte jaqsy kórsetkish, tek kórsetiletin qyzmet sanyn qaraý kerek. Aqshasy boiynsha 11 ese ósim bar, al qyzmet sany sonshalyq kóp emes», - dedi vitse-premer.
Úkimet basshysynyń orynbasary atalmysh qarajatty tiimdiligi turǵysynan qaita qaraý kerek dep esepteidi.
«Eger ashqasy 11 ese kóterilse, ońaltý qyzmetin alatyn azamattardy sany da 11 ese bolmasa da, 3-5 ese ósetindei múmkindik bar ǵoi. Iaǵni, biraz suraqtar bar. Sondyqtan qaitadan qaraý kerek», - dedi Eraly Toǵjanov.
