Meditsina qyzmetkerleri kúnine arnalǵan kezdesýde Premer-Ministrdiń orynbasary Eraly Toǵjanov koronavirýsty emdeý hattamasy nege 11 ret ózgertilgenin túsindirdi, dep habarlaidy QazAqparat.
«Osy sátti paidalanyp, pandemiiamen kúresý arqyly Qazaqstannyń bolashaǵyna ólsheýsiz úles qosqan birqatar azamatqa alǵys aitqym keledi. Onyń ishinde Nur-Sultan qalasynyń bas infektsionist dárigeri Atyǵaeva Sáýle Qabiqyzy pandeminyń birinshi kúnine bastap infektsiialyq gospitalge basshylyq jasap, 2000-nan astam aýyr jaǵdaidaǵy naýqasty emdeýge atsalysty. Almaty qalasyndaǵy Jekenov atyndaǵy infektsiialyq aýrýhananyń dárigeri Otaǵanova Tamara Qustaiqyzy 1000-nan astam aýyr dárejeli naýqasty emdep shyqty. Qaraǵandy meditsina ýniversitetiniń professory Kýcherova Baqyt Nuralyqyzy koronavirýs virýsyn emdeýdiń klinikalyq hattamasyn ázirleý tobyna jetekshilir etip, 100-den asa vebinar ótkizdi», - dedi vitse-Premer.
Eraly Toǵjanov byltyrǵy naýryz aiynan beri koronavirýspen kúreske tartylǵan meditsina qyzmetkerlerine 180 mlrd teńge ústemeaqy tólengenin eske saldy.
«Ashyǵyn aitqanda, ońai bolǵan joq edi. Hattamany birneshe ret ózgertýge týra keldi. Qysqa ýaqyttyń ishinde hattama 11 ret aýystyryldy. Bul biz ǵana qabyldaǵan sheshim emes. Búkil álem dárigerleriniń, Dúniejúzilik densaýlyq saqtaý uiymynyń tikelei sheshimderine bailanysty osylai boldy. 840 meditsina qyzmetkeri Memleket basshysynyń sheshimimen «Halyq alǵysy» medalimen marapattaldy. Koronavirýs infektsiiasymen kúreske tikelei qatysqan meditsina qyzmetkerlerine ótken jyldyń naýryz aiynan bastap jalpy somasy 180 mlrd teńge ústemeaqy tólendi», - dedi Premer-Ministrdiń orynbasary.
