مەديتسينا قىزمەتكەرلەرٸ كٷنٸنە ارنالعان كەزدەسۋدە پرەمەر-مينيستردٸڭ ورىنباسارى ەرالى توعجانوۆ كوروناۆيرۋستى ەمدەۋ حاتتاماسى نەگە 11 رەت ٶزگەرتٸلگەنٸن تٷسٸندٸردٸ, دەپ حابارلايدى قازاقپارات.
«وسى سەتتٸ پايدالانىپ, پاندەمييامەن كٷرەسۋ ارقىلى قازاقستاننىڭ بولاشاعىنا ٶلشەۋسٸز ٷلەس قوسقان بٸرقاتار ازاماتقا العىس ايتقىم كەلەدٸ. ونىڭ ٸشٸندە نۇر-سۇلتان قالاسىنىڭ باس ينفەكتسيونيست دەرٸگەرٸ اتىعاەۆا سەۋلە قابيقىزى پاندەمينىڭ بٸرٸنشٸ كٷنٸنە باستاپ ينفەكتسييالىق گوسپيتالگە باسشىلىق جاساپ, 2000-نان استام اۋىر جاعدايداعى ناۋقاستى ەمدەۋگە اتسالىستى. الماتى قالاسىنداعى جەكەنوۆ اتىنداعى ينفەكتسييالىق اۋرۋحانانىڭ دەرٸگەرٸ وتاعانوۆا تامارا قۇستايقىزى 1000-نان استام اۋىر دەرەجەلٸ ناۋقاستى ەمدەپ شىقتى. قاراعاندى مەديتسينا ۋنيۆەرسيتەتٸنٸڭ پروفەسسورى كۋچەروۆا باقىت نۇرالىقىزى كوروناۆيرۋس ۆيرۋسىن ەمدەۋدٸڭ كلينيكالىق حاتتاماسىن ەزٸرلەۋ توبىنا جەتەكشٸلٸr ەتٸپ, 100-دەن اسا ۆەبينار ٶتكٸزدٸ», - دەدٸ ۆيتسە-پرەمەر.
ەرالى توعجانوۆ بىلتىرعى ناۋرىز ايىنان بەرٸ كوروناۆيرۋسپەن كٷرەسكە تارتىلعان مەديتسينا قىزمەتكەرلەرٸنە 180 ملرد تەڭگە ٷستەمەاقى تٶلەنگەنٸن ەسكە سالدى.
«اشىعىن ايتقاندا, وڭاي بولعان جوق ەدٸ. حاتتامانى بٸرنەشە رەت ٶزگەرتۋگە تۋرا كەلدٸ. قىسقا ۋاقىتتىڭ ٸشٸندە حاتتاما 11 رەت اۋىستىرىلدى. بۇل بٸز عانا قابىلداعان شەشٸم ەمەس. بٷكٸل ەلەم دەرٸگەرلەرٸنٸڭ, دٷنيەجٷزٸلٸك دەنساۋلىق ساقتاۋ ۇيىمىنىڭ تٸكەلەي شەشٸمدەرٸنە بايلانىستى وسىلاي بولدى. 840 مەديتسينا قىزمەتكەرٸ مەملەكەت باسشىسىنىڭ شەشٸمٸمەن «حالىق العىسى» مەدالٸمەن ماراپاتتالدى. كوروناۆيرۋس ينفەكتسيياسىمەن كٷرەسكە تٸكەلەي قاتىسقان مەديتسينا قىزمەتكەرلەرٸنە ٶتكەن جىلدىڭ ناۋرىز ايىنان باستاپ جالپى سوماسى 180 ملرد تەڭگە ٷستەمەاقى تٶلەندٸ», - دەدٸ پرەمەر-مينيستردٸڭ ورىنباسارى.
