Onyń aitýynsha, bul azamattar baǵdarlama jobasyn ázirleý kezeńinen bastap atsalysqan, barlyǵy da jumysqa aqysyz negizde, azamattyq ustanymymen qatysqan.
"Eger qoǵamda osy baǵytty tilek bildirýshiler bolsa usynystardy qaraýǵa daiynbyz. Bastysy - usynylǵan jobalar bizdiń azamattarymyzdyń naqty tabysyn arttyrýmen tikelei bailanysty bolýy kerek", - dep tolyqtyrdy ol.
Toǵjanov osyndai bastamalardyń biri Dáýlet Muqaev tarapynan usynylǵanyn aityp, ol jobany memlekettik organdar iske asyrý mehanizmin pysyqtap jatqanyn, aldaǵy ýaqytta ol jobany keńinen tanystyratynyn aitty.
Vitse-premer jobanyń naqty baǵyttaryna toqtalyp, qujatta eńbek qyzmetinen túsetin tabysqa tikelei áser etetin mynadai sharalarǵa qoljetkizýge baǵyttalǵanyn aitty.
- bul 1 millionnan astam biýdjet salasy qyzmetkerleriniń, kvazimemlekettik sektordyń, óndiristik personaldyń eńbekaqysyn kóterý (dárigerler, muǵalimder, ǵylymi qyzmetkerler, memlekettik BAQ qyzmetkerleri, kvazisektordyń óndiristik personaly);
- memleketten qoldaý alatyn bizneske naqty mindettemelerdi belgileý arqyly, ondaǵy 2,8 million qyzmetkerler jalaqysyn arttyrý qarastyrylǵan;
- baǵdarlama aiasynda ekonomikanyń túrli salalarynda investitsiialyq jobalardy iske asyrý esebinen 2025 jylǵa deiin 2 million jańa jumys oryndary qurylatyn bolady (onyń ishinde qazirdiń ózinde 100 myńǵa jýyq jumys oryndary iske qosyldy);
- importtalatyn azyq-túlik taýarlaryn 100 paiyz otandyq taýarlarmen almastyrý iske asyrylady;
Byltyrǵy jyldyń qorytyndysy boiynsha ishki naryqtaǵy azyq-túlik taýarlarynyń (29) negizgi túrleri boiynsha otandyq óndiristiń úlesi 80 paiyz bolǵan.
"Alty taýar boiynsha importqa táýeldimiz (alma -74 paiyz, shujyq ónimderi - 56,4 paiyz, irimshik jáne súzbe - 56 paiyz, qant - 43 paiyz, et, qus eti- 65,4 paiyz, balyqtar - 66 paiyz). Importqa táýeldilikti tolyq sheshý úshin 900-den asa investitsiialyq jobany iske asyrý josparlanyp otyr. Onyń ishinde 87 sút-taýar fermasyn, 14 et kombinatyn, 17 qus fabrikasyn iske qosý, 6,6 myń gektar alańda baqtar salý jáne qant zaýytyn salý jáne t.b.", - dedi ol.
Sondai-aq, ol aýyl halqyn jumyspen qamtý - oblys, aýdan jáne árbir aýyl ákiminiń basty mindetteriniń biri ekenin atty.
"Biz aýyl halqynyń ózderin, sondai-aq jaqyn mańdaǵy qalalardy azyq-túlikpen qamtamasyz etýge múmkindik jasaýymyz kerek. Osylaisha, aýyldardaǵy úi sharýashylyqtarynyń tabys deńgeiin arttyramyz. Qazirdiń ózinde osyndai jobalar iske asyrylýda. Aqmola oblysynyń Qarabulaq aýylyndaǵy 4 úi sharýashylyǵyn (LPH) biriktiretin "Ar-Ai" aýylsharýashylyq óndiristik kooperativi (Baimakova Gýlmaira Nabievna) kókónis daqyldaryn ósirip (qiiar, qyryqqabat, qyzylsha, sábiz, kartop, qyzanaq) qasyndaǵy Stepnogorsk qalasyn qamtamasyz etip otyr.
Jambyl oblysynda, Qordai aýdanynda 17 úi sharýashylyǵyn (LPH) biriktiretin "Ekochiken" aýyl sharýashylyǵy óndiristik kooperativi (Sarsembaeva Toty Amantaiqyzy) taýyq etin óndirý kólemin bir jyl ishinde 147 tonnadan 336 tonnaǵa deiin arttyrdy (óndiris kólemin 580 tonnaǵa jetkizýdi josparlap otyr). Qazirgi ýaqytta "Ekochiken" kooperativi óndiristik-satý tizbegin qurý boiynsha jumys júrgizip jatyr", - dedi Toǵjanov.
Premer-ministrdiń orynbasarynyń aitýynsha, halyqtyń áleýmettik osal toptarynyń turaqty tabysyn qalyptastyrý baǵytyna keshendi jumystar júrgiziledi.
"Baqytty otbasy" jobasy aiasynda 20 myń kópbalaly ana men múgedek balalardy tárbielep otyrǵan analarǵa biliktiligin arttyryp, úiden shyqpai-aq tabys tabýǵa múmkindik jasalady (Anyqtama: 440 myń kópbalaly ana, 92 myń múgedek bala bar). Joba aiasynda áielder eńbek naryǵynda suranysqa ie 14 mamandyq boiynsha qysqa merzimdi kýrstan ótip, óz isin ashý boiynsha tegin konsýltatsiialar alady", - dedi ol.
Byltyr osyndai joba Nur-Sultan qalasynda iske asyrylǵan. Joba arqyly 1500 áiel oqýdan ótip, onyń ishinde 800-den asa qatysýshy kásibin ashyp, júrgizip otyr. 160 myń jas azamattar "Jastar praktikasy", "Alǵashqy jumys orny" jobalarymen, 400 ailyq eseptik kórsetkish kóleminde granttarmen qamtylady, dedi Toǵjanov.
