ونىڭ ايتۋىنشا, بۇل ازاماتتار باعدارلاما جوباسىن ەزٸرلەۋ كەزەڭٸنەن باستاپ اتسالىسقان, بارلىعى دا جۇمىسقا اقىسىز نەگٸزدە, ازاماتتىق ۇستانىمىمەن قاتىسقان.
"ەگەر قوعامدا وسى باعىتتى تٸلەك بٸلدٸرۋشٸلەر بولسا ۇسىنىستاردى قاراۋعا دايىنبىز. باستىسى - ۇسىنىلعان جوبالار بٸزدٸڭ ازاماتتارىمىزدىڭ ناقتى تابىسىن ارتتىرۋمەن تٸكەلەي بايلانىستى بولۋى كەرەك", - دەپ تولىقتىردى ول.
توعجانوۆ وسىنداي باستامالاردىڭ بٸرٸ دەۋلەت مۇقاەۆ تاراپىنان ۇسىنىلعانىن ايتىپ, ول جوبانى مەملەكەتتٸك ورگاندار ٸسكە اسىرۋ مەحانيزمٸن پىسىقتاپ جاتقانىن, الداعى ۋاقىتتا ول جوبانى كەڭٸنەن تانىستىراتىنىن ايتتى.
ۆيتسە-پرەمەر جوبانىڭ ناقتى باعىتتارىنا توقتالىپ, قۇجاتتا ەڭبەك قىزمەتٸنەن تٷسەتٸن تابىسقا تٸكەلەي ەسەر ەتەتٸن مىناداي شارالارعا قولجەتكٸزۋگە باعىتتالعانىن ايتتى.
- بۇل 1 ميلليوننان استام بيۋدجەت سالاسى قىزمەتكەرلەرٸنٸڭ, كۆازيمەملەكەتتٸك سەكتوردىڭ, ٶندٸرٸستٸك پەرسونالدىڭ ەڭبەكاقىسىن كٶتەرۋ (دەرٸگەرلەر, مۇعالٸمدەر, عىلىمي قىزمەتكەرلەر, مەملەكەتتٸك باق قىزمەتكەرلەرٸ, كۆازيسەكتوردىڭ ٶندٸرٸستٸك پەرسونالى);
- مەملەكەتتەن قولداۋ الاتىن بيزنەسكە ناقتى مٸندەتتەمەلەردٸ بەلگٸلەۋ ارقىلى, ونداعى 2,8 ميلليون قىزمەتكەرلەر جالاقىسىن ارتتىرۋ قاراستىرىلعان;
- باعدارلاما اياسىندا ەكونوميكانىڭ تٷرلٸ سالالارىندا ينۆەستيتسييالىق جوبالاردى ٸسكە اسىرۋ ەسەبٸنەن 2025 جىلعا دەيٸن 2 ميلليون جاڭا جۇمىس ورىندارى قۇرىلاتىن بولادى (ونىڭ ٸشٸندە قازٸردٸڭ ٶزٸندە 100 مىڭعا جۋىق جۇمىس ورىندارى ٸسكە قوسىلدى);
- يمپورتتالاتىن ازىق-تٷلٸك تاۋارلارىن 100 پايىز وتاندىق تاۋارلارمەن الماستىرۋ ٸسكە اسىرىلادى;
بىلتىرعى جىلدىڭ قورىتىندىسى بويىنشا ٸشكٸ نارىقتاعى ازىق-تٷلٸك تاۋارلارىنىڭ (29) نەگٸزگٸ تٷرلەرٸ بويىنشا وتاندىق ٶندٸرٸستٸڭ ٷلەسٸ 80 پايىز بولعان.
"التى تاۋار بويىنشا يمپورتقا تەۋەلدٸمٸز (الما -74 پايىز, شۇجىق ٶنٸمدەرٸ - 56,4 پايىز, ٸرٸمشٸك جەنە سٷزبە - 56 پايىز, قانت - 43 پايىز, ەت, قۇس ەتٸ- 65,4 پايىز, بالىقتار - 66 پايىز). يمپورتقا تەۋەلدٸلٸكتٸ تولىق شەشۋ ٷشٸن 900-دەن اسا ينۆەستيتسييالىق جوبانى ٸسكە اسىرۋ جوسپارلانىپ وتىر. ونىڭ ٸشٸندە 87 سٷت-تاۋار فەرماسىن, 14 ەت كومبيناتىن, 17 قۇس فابريكاسىن ٸسكە قوسۋ, 6,6 مىڭ گەكتار الاڭدا باقتار سالۋ جەنە قانت زاۋىتىن سالۋ جەنە ت.ب.", - دەدٸ ول.
سونداي-اق, ول اۋىل حالقىن جۇمىسپەن قامتۋ - وبلىس, اۋدان جەنە ەربٸر اۋىل ەكٸمٸنٸڭ باستى مٸندەتتەرٸنٸڭ بٸرٸ ەكەنٸن اتتى.
"بٸز اۋىل حالقىنىڭ ٶزدەرٸن, سونداي-اق جاقىن ماڭداعى قالالاردى ازىق-تٷلٸكپەن قامتاماسىز ەتۋگە مٷمكٸندٸك جاساۋىمىز كەرەك. وسىلايشا, اۋىلدارداعى ٷي شارۋاشىلىقتارىنىڭ تابىس دەڭگەيٸن ارتتىرامىز. قازٸردٸڭ ٶزٸندە وسىنداي جوبالار ٸسكە اسىرىلۋدا. اقمولا وبلىسىنىڭ قارابۇلاق اۋىلىنداعى 4 ٷي شارۋاشىلىعىن (لپح) بٸرٸكتٸرەتٸن "ار-اي" اۋىلشارۋاشىلىق ٶندٸرٸستٸك كووپەراتيۆٸ (بايماكوۆا گۋلمايرا نابيەۆنا) كٶكٶنٸس داقىلدارىن ٶسٸرٸپ (قييار, قىرىققابات, قىزىلشا, سەبٸز, كارتوپ, قىزاناق) قاسىنداعى ستەپنوگورسك قالاسىن قامتاماسىز ەتٸپ وتىر.
جامبىل وبلىسىندا, قورداي اۋدانىندا 17 ٷي شارۋاشىلىعىن (لپح) بٸرٸكتٸرەتٸن "ەكوچيكەن" اۋىل شارۋاشىلىعى ٶندٸرٸستٸك كووپەراتيۆٸ (سارسەمباەۆا توتى امانتايقىزى) تاۋىق ەتٸن ٶندٸرۋ كٶلەمٸن بٸر جىل ٸشٸندە 147 توننادان 336 تونناعا دەيٸن ارتتىردى (ٶندٸرٸس كٶلەمٸن 580 تونناعا جەتكٸزۋدٸ جوسپارلاپ وتىر). قازٸرگٸ ۋاقىتتا "ەكوچيكەن" كووپەراتيۆٸ ٶندٸرٸستٸك-ساتۋ تٸزبەگٸن قۇرۋ بويىنشا جۇمىس جٷرگٸزٸپ جاتىر", - دەدٸ توعجانوۆ.
پرەمەر-مينيستردٸڭ ورىنباسارىنىڭ ايتۋىنشا, حالىقتىڭ ەلەۋمەتتٸك وسال توپتارىنىڭ تۇراقتى تابىسىن قالىپتاستىرۋ باعىتىنا كەشەندٸ جۇمىستار جٷرگٸزٸلەدٸ.
"باقىتتى وتباسى" جوباسى اياسىندا 20 مىڭ كٶپبالالى انا مەن مٷگەدەك بالالاردى تەربيەلەپ وتىرعان انالارعا بٸلٸكتٸلٸگٸن ارتتىرىپ, ٷيدەن شىقپاي-اق تابىس تابۋعا مٷمكٸندٸك جاسالادى (انىقتاما: 440 مىڭ كٶپبالالى انا, 92 مىڭ مٷگەدەك بالا بار). جوبا اياسىندا ەيەلدەر ەڭبەك نارىعىندا سۇرانىسقا يە 14 ماماندىق بويىنشا قىسقا مەرزٸمدٸ كۋرستان ٶتٸپ, ٶز ٸسٸن اشۋ بويىنشا تەگٸن كونسۋلتاتسييالار الادى", - دەدٸ ول.
بىلتىر وسىنداي جوبا نۇر-سۇلتان قالاسىندا ٸسكە اسىرىلعان. جوبا ارقىلى 1500 ەيەل وقۋدان ٶتٸپ, ونىڭ ٸشٸندە 800-دەن اسا قاتىسۋشى كەسٸبٸن اشىپ, جٷرگٸزٸپ وتىر. 160 مىڭ جاس ازاماتتار "جاستار پراكتيكاسى", "العاشقى جۇمىس ورنى" جوبالارىمەن, 400 ايلىق ەسەپتٸك كٶرسەتكٸش كٶلەمٸندە گرانتتارمەن قامتىلادى, دەدٸ توعجانوۆ.
