QR Premer-Ministriniń orynbasary Eraly Toǵjanov sanitarlyq normalardy elemeitin turǵyndardyń áreketin synǵa aldy, dep habarlaidy QazAqparat.
«Memlekettik organdardyń da, qoǵamnyń da ózara jaýapkershiligi ǵana qaýipti virýstyń taralý tizbegin toqtata alady. Qazirgi ýaqytta jalǵyz durys sheshim — vaktsinalaý jáne sanitarlyq normalardy qatań saqtaý. Sońǵy ýaqytta salǵyrttyq kóbeigenin, maska taǵýdy, antiseptik qoldanýdy, áleýmettik qashyqtyqty saqtaýdy toqtatqanymyzdy moiyndaýymyz kerek. Kóptegen azamattarymyz oqshaýlaný talaptaryn múldem umytty jáne ainalasyn qatergi tigip júr», - dedi Toǵjanov Ortalyq kommýnikatsiialar qymzetinde.
Spiker buqaralyq is-sharalardy ótkizýden jáne oǵan barýdan aýlaq bolýdy, ózimizge jáne ainaladaǵy jaqyndarymyzǵa janashyr bolýymyz kerektigin eske saldy.
«Biz koronavirýs zardabynan eki jylda 18 326 adamnan airyldyq. Beibit kúnde aramyzdaǵy ardaqtylarymyzdy joǵalttyq. Kataldaý estilse de aitaiyn – kóp jaǵdaida osyǵan ózimiz kinálimiz. Tyǵylyp qonaqqa barý, restorannyń artqy esiginen kirip toi jasaý, masqa taǵýdy qajet dep sanamaý, sanitarlyq talaptardy qabyl kórmeý siiaqty áreketterimizdiń kesirinen qanshama adam qaitys bolyp ketti. Negizi «Tártip – tárbie bastaýy, tártipsizdik – ómirińniń qas jaýy» dep atalarymyz beker aitpaǵan. Qazir bosańsityn ýaqyt emes, aýrýdyń sharyqtaý shegi áli alda», - dedi Toǵjanov.
