Úkimet basshysynyń orynbasary Eraly Toǵjanov karantin erejelerin saqtamaýdyń saldaryna qatysty naqty mysaldardy keltirdi, dep habarlaidy QazAqparat.
«Jalpy karantin sharalarynyń saqtalmaýynyń saldary týraly naqty mysaldardy keltire keteiin. Qostanai oblysynda janazaǵa barǵan bir adam segiz týysyna koronavirýs juqtyrǵan. Sol sekildi Nur-Sultannan koronavirýsqa uqsas belgilerimen Kókshetaýǵa kelgen jigit 15 adamǵa aýrý juqtyrǵan. Ókinishke qarai, osy jaǵdaida onyń ákesi men sheshesi qaitys bolyp ketti. Qaraǵandy oblysynda shaǵyn toiǵa qatysqan 18 adamnyń 16-na koronavirýs juqtyrǵan. Sonymen birge dál sol qalada 200 adam jinalǵan túngi klýbtyń jumys istep turǵany anyqtaldy. Bári de maskasyz, áleýmettik qashyqtyqty saqtamai júrgen. Shynyn aitqanda, mundai mysaldar Qazaqstan boiynsha jetip artylady», - dedi Úkimet basshysynyń orynbasary Eraly Toǵjanov OKQ-da ótken baspasóz máslihatynda.
Onyń aitýynsha, eldegi indetti birjolata toqtatý úshin kisi jiylady-aý degen kez kelgen sharaǵa barmaý kerek.
«Tipti bireýdiń qaiǵysyn bólisýge barǵyńyz kelse de meniń oiymsha qazir mindetti túrde barmai, telefon arqyly sóilesip, kóńil aitý kerek. Búginde halqymyz olai da kóńil aityp jatyr. Jaǵdaidy túsinip, qaýipsizdikti saqtap otyrǵan azamattardyń bárine rahmet aitamyn. Ýaqyt talaby osyndai. Jaqsy kezeńde bas qosylady. Eger árbir qazaqstandyq bul indetke qarsy kúsh salmasa – memleket te, qoǵam ókilderi de, dárigerler de qutqara almaidy», - dedi ol.
Eske sala ketsek, keshe Memleket basshysy Qasym-Jomart Toqaev epidemiologiialyq ahýaldy turaqtandyrý jóninde keńes ótkizip, karantin sharalaryn eki aptaǵa uzartýdy tapsyrǵan bolatyn. Memlekettik komissiia otyrysynyń qorytyndysy boiynsha Qazaqstanda karantin sharalary eki aptaǵa uzartyldy.
