ٷكٸمەت باسشىسىنىڭ ورىنباسارى ەرالى توعجانوۆ كارانتين ەرەجەلەرٸن ساقتاماۋدىڭ سالدارىنا قاتىستى ناقتى مىسالداردى كەلتٸردٸ, دەپ حابارلايدى قازاقپارات.
«جالپى كارانتين شارالارىنىڭ ساقتالماۋىنىڭ سالدارى تۋرالى ناقتى مىسالداردى كەلتٸرە كەتەيٸن. قوستاناي وبلىسىندا جانازاعا بارعان بٸر ادام سەگٸز تۋىسىنا كوروناۆيرۋس جۇقتىرعان. سول سەكٸلدٸ نۇر-سۇلتاننان كوروناۆيرۋسقا ۇقساس بەلگٸلەرٸمەن كٶكشەتاۋعا كەلگەن جٸگٸت 15 ادامعا اۋرۋ جۇقتىرعان. ٶكٸنٸشكە قاراي, وسى جاعدايدا ونىڭ ەكەسٸ مەن شەشەسٸ قايتىس بولىپ كەتتٸ. قاراعاندى وبلىسىندا شاعىن تويعا قاتىسقان 18 ادامنىڭ 16-نا كوروناۆيرۋس جۇقتىرعان. سونىمەن بٸرگە دەل سول قالادا 200 ادام جينالعان تٷنگٸ كلۋبتىڭ جۇمىس ٸستەپ تۇرعانى انىقتالدى. بەرٸ دە ماسكاسىز, ەلەۋمەتتٸك قاشىقتىقتى ساقتاماي جٷرگەن. شىنىن ايتقاندا, مۇنداي مىسالدار قازاقستان بويىنشا جەتٸپ ارتىلادى», - دەدٸ ٷكٸمەت باسشىسىنىڭ ورىنباسارى ەرالى توعجانوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا, ەلدەگٸ ٸندەتتٸ بٸرجولاتا توقتاتۋ ٷشٸن كٸسٸ جيىلادى-اۋ دەگەن كەز كەلگەن شاراعا بارماۋ كەرەك.
«تٸپتٸ بٸرەۋدٸڭ قايعىسىن بٶلٸسۋگە بارعىڭىز كەلسە دە مەنٸڭ ويىمشا قازٸر مٸندەتتٸ تٷردە بارماي, تەلەفون ارقىلى سٶيلەسٸپ, كٶڭٸل ايتۋ كەرەك. بٷگٸندە حالقىمىز ولاي دا كٶڭٸل ايتىپ جاتىر. جاعدايدى تٷسٸنٸپ, قاۋٸپسٸزدٸكتٸ ساقتاپ وتىرعان ازاماتتاردىڭ بەرٸنە راحمەت ايتامىن. ۋاقىت تالابى وسىنداي. جاقسى كەزەڭدە باس قوسىلادى. ەگەر ەربٸر قازاقستاندىق بۇل ٸندەتكە قارسى كٷش سالماسا – مەملەكەت تە, قوعام ٶكٸلدەرٸ دە, دەرٸگەرلەر دە قۇتقارا المايدى», - دەدٸ ول.
ەسكە سالا كەتسەك, كەشە مەملەكەت باسشىسى قاسىم-جومارت توقاەۆ ەپيدەميولوگييالىق احۋالدى تۇراقتاندىرۋ جٶنٸندە كەڭەس ٶتكٸزٸپ, كارانتين شارالارىن ەكٸ اپتاعا ۇزارتۋدى تاپسىرعان بولاتىن. مەملەكەتتٸك كوميسسييا وتىرىسىنىڭ قورىتىندىسى بويىنشا قازاقستاندا كارانتين شارالارى ەكٸ اپتاعا ۇزارتىلدى.
