Búgin QR Premer-Ministriniń orynbasary Eraly Toǵjanov elordadaǵy meditsinalyq mekemelerge baryp, QR Prezidentiniń nusqaýlary men Koronavirýs infektsiiasynyń taralýyna jol bermeý jónindegi vedomstvoaralyq komissiianyń sheshimderiniń oryndalý barysyn tekserdi, dep habarlaidy "Ult aqparat" primeminister.kz saityna silteme jasap.
Premer-Ministrdiń orynbasary barǵan alǵashqy nysan ambýlatorlyq-emhanalyq jáne statsionardy almastyratyn kómek kórsetetin, sondai-aq jedel meditsinalyq járdem shaqyrtýlaryna qyzmet kórsetetin №9 qalalyq emhana boldy. Búgingi tańda emhanada 95 myń turǵynǵa qyzmet kórsetiledi.
Pandemiia kezinde emhanada filtr-kabinetter men provizorlyq bólim uiymdastyryldy, bul jerlerde PTR-zertteý úshin biomaterial alynyp, sondai-aq qajetti em taǵaiyndalady.
Sonymen qosa, Vedomstvoaralyq komissiia basshysy Damumed mobildi qosymshasy arqyly iske qosylǵan patsientterdi tegin onlain-qabyldaýdyń jumysymen tanysty. Qazirgi kezde 19 uiym osy qyzmetke qosylǵan. Bolashaqta Nur-Sultan qalasyndaǵy 31 meditsina uiymy onlain-konsýltatsiialar júrgizetin bolady.
Budan ózge, emhanada jedel járdemge túsetin júktemeni joiý maqsatynda bes mobildi brigada uiymdastyrylǵan. Bul mobildi toptar COVID-19 jáne pnevmoniiamen syrqattanýǵa kúmándi naýqastarǵa úide qyzmet kórsetedi, dárigerler tekserip, PTR-zertteýden ótkizý úshin biomaterial alynady jáne qajetti em taǵaiyndalady.
Sonymen qatar, E. Toǵjanov jedel meditsinalyq járdem qalalyq stantsiiasyna bardy. 2016 jyldan beri stantsiiada kepildendirilgen tegin meditsinalyq qyzmet kólemi aiasynda aýrýhanaǵa deiingi shuǵyl meditsinalyq kómek kórsetiledi. Qazirgi kezde munda 1 414 meditsina qyzmetkeri jumys isteidi, 80 brigada men 124 avtokólik quraly bar.
Aita keteiik, búgingi tańda jedel járdem kómegine júginetinderdiń sanynyń azaiǵany baiqalyp otyr. Eger 22 maýsymda oǵan táýligine 4,3 myń adam júginse, 16 shildede 1,9 myń adam júgingen. Onyń ishinde KVI boiynsha júginý sany táýligine 500-den 254-ke deiin tómendegen. Jedel járdemdi shaqyrtýlar sany táýligine 3 myńnan 1,3 myńǵa deiin qysqarǵan.
Premer-Ministrdiń orynbasary E. Toǵjanov budan basqa №2 qalalyq kópsalaly aýrýhananyń jumysymen tanysty, bul aýrýhana patsientterdi barlyq beiin boiynsha qabyldaityn birden-bir emhana bolyp otyr. Aýrýhana jedel meditsinalyq kómek boiynsha da, adamdardyń ózdiginen júginýi boiynsha da táýlik boiǵy rejimde patsientterdi qabyldaýdy qamtamasyz etedi. Táýlik ishinde orta eseppen 300-ge jýyq patsient munda júginedi — 200 adam jedel meditsinalyq járdem boiynsha, 100 adam ózdiginen júginý jáne emhanalardan baǵyttalýy boiynsha.
Sonymen qatar aýrýhanada koronavirýs infektsiiasymen aýyrǵandarǵa arnalǵan 30 infektsiialyq tósek-oryn, sondai-aq jansaqtaý bóliminde qajetti meditsinalyq jabdyqtarmen, onyń ishinde ÓJJ apparattarymen jaraqtalǵan 9 tósek-oryn bar.
Nur-Sultan qalasyndaǵy №2 kópsalaly aýrýhananyń mamandarynyń shtaty 1700-den asa joǵary bilikti qyzmetkerdi qamtidy, onyń ishinde 500 — dáriger. Aýrýhananyń 200-den asa qyzmetkeri aýyrǵan, onyń ishinde 150 adam saýyǵyp, jumysyna oralǵan.
Meditsina qyzmetkerlerimen kezdesý kezinde E. Toǵjanov meditsina salasynyń barlyq qyzmetkerlerine alǵys bildirip, olardyń kúndelikti eren eńbegin atap ótti jáne olardy búgingi kúnniń qaharmandary dep atady.
Sonymen qosa, Premer-Ministrdiń orynbasarymen áńgimelesý kezinde dárigerler áriptesteriniń atynan meditsina qyzmetkerlerine ústeme aqy tóleýge qatysty alańdaýshylyqtaryn bildirdi, bul másele boiynsha E. Toǵjanov meditsina qyzmetkerlerine barlyq qajetti tólemder tolyq kólemde aýdarylatynyna sendirdi.
Sonymen qatar, meditsina mekemelerin dárilik preparattarmen odan ári qamtamasyz etý máselesi talqylandy. Búgingi tańda meditsina mekemeleri dárilik zattarmen 100% qamtamasyz etilgen. Vedomstvoaralyq komissiianyń basshysy Densaýlyq saqtaý ministrligi men «SK-Farmatsiia» JShS-ǵa elimizdiń barlyq meditsina mekemelerinde dárilik preparattardyń ailyq qoryn qamtamasyz etýdi tapsyrdy.
Elordadaǵy statsionarlardyń júktemelenýi ótken aimen salystyrǵanda salystyrǵanda 34%-ǵa tómendegenin atap ótken jón, sondai-aq tósek-oryndar sany 2 705 birlikke artqan.
