«Qazposhta» AQ basqarma tóraǵasy Serik Saýdabaev vitse-premer Eraly Toǵjanovtyń synyna ilikti, dep habarlaidy QazAqparat.
Búgin elordada «2025 jylǵa deiin halyqtyń tabysyn arttyrý baǵdarlamasy» keshendi josparyn júzege asyrý jónindegi keńes ótken edi.
Alqaly jiynda «Qazposhta» basshysy baiandamasyn bastan-aiaq orys tilinde jasap shyqty. Keńeske qatysqan vitse-premerdiń de qazaq tilinde qoiǵan bir-eki saýalyna orys tilinde jaýap berdi. Osydan keiin Eraly Tojanov Serik Saýdabaevqa qazaq tilinde de sóileý kerektigin eskertti.
«Orys tilinde keremet sóilep jatyrsyzdar. Qazaq tilinde de sóileý kerektigin qaperińizge salǵym keledi. Esterińizde bolsyn. Búkil elde, halyqtyń arasynda muny ár ýaqytta este saqtaýymyz qajet. Myna jerde otyrǵan azamattardyń bári - osy eldiń azamattary. Sondyqtan júrgen-turǵan jerimizde osyny únemi eskerýmiz kerek. Ainalamyzda bolyp jatqan jaǵdaidy kórip otyrsyzdar. Sondyqtan sizderge de tikelei qatysy bar. Osyny bárimiz eskerýge tiispiz», - dedi Úkimet basshysynyń orynbasary.
