«قازپوشتا» اق باسقارما تٶراعاسى سەرٸك ساۋداباەۆ ۆيتسە-پرەمەر ەرالى توعجانوۆتىڭ سىنىنا ٸلٸكتٸ, دەپ حابارلايدى قازاقپارات.
بٷگٸن ەلوردادا «2025 جىلعا دەيٸن حالىقتىڭ تابىسىن ارتتىرۋ باعدارلاماسى» كەشەندٸ جوسپارىن جٷزەگە اسىرۋ جٶنٸندەگٸ كەڭەس ٶتكەن ەدٸ.
القالى جيىندا «قازپوشتا» باسشىسى بايانداماسىن باستان-اياق ورىس تٸلٸندە جاساپ شىقتى. كەڭەسكە قاتىسقان ۆيتسە-پرەمەردٸڭ دە قازاق تٸلٸندە قويعان بٸر-ەكٸ ساۋالىنا ورىس تٸلٸندە جاۋاپ بەردٸ. وسىدان كەيٸن ەرالى توجانوۆ سەرٸك ساۋداباەۆقا قازاق تٸلٸندە دە سٶيلەۋ كەرەكتٸگٸن ەسكەرتتٸ.
«ورىس تٸلٸندە كەرەمەت سٶيلەپ جاتىرسىزدار. قازاق تٸلٸندە دە سٶيلەۋ كەرەكتٸگٸن قاپەرٸڭٸزگە سالعىم كەلەدٸ. ەستەرٸڭٸزدە بولسىن. بٷكٸل ەلدە, حالىقتىڭ اراسىندا مۇنى ەر ۋاقىتتا ەستە ساقتاۋىمىز قاجەت. مىنا جەردە وتىرعان ازاماتتاردىڭ بەرٸ - وسى ەلدٸڭ ازاماتتارى. سوندىقتان جٷرگەن-تۇرعان جەرٸمٸزدە وسىنى ٷنەمٸ ەسكەرۋمٸز كەرەك. اينالامىزدا بولىپ جاتقان جاعدايدى كٶرٸپ وتىرسىزدار. سوندىقتان سٸزدەرگە دە تٸكەلەي قاتىسى بار. وسىنى بەرٸمٸز ەسكەرۋگە تيٸسپٸز», - دەدٸ ٷكٸمەت باسشىسىنىڭ ورىنباسارى.
