Qazaqstan Respýblikasynyń Prezidenti Qasym-Jomart Toqaevtyń halyq aldyndaǵy áleýmettik mindettemelerdi oryndaý jónindegi tapsyrmalaryn oryndaý aiasynda QR Premer-Ministriniń orynbasary Eraly Toǵjanov bastaǵan úkimettik delegatsiia elimizdiń batys óńirlerinde jumys saparymen boldy.
Bul týraly Úkimettiń resmi saitynda habarlandy.
Delegatsiia quramynda energetika ministri Nurlan Noǵaev, QR Prezidentiniń kómekshisi Qanat Bozymbaev, «QazMunaiGaz» UK AQ basqarma tóraǵasy Alik Aidarbaev, sondai-aq densaýlyq saqtaý ministriniń orynbasary Kamaljan Nadyrov, indýstriia jáne infraqurylymdy damytý ministriniń orynbasary Amaniiaz Erjanov, ulttyq ekonomika ministriniń orynbasary Ermek Alpysov, eńbek jáne halyqty áleýmettik qorǵaý ministrligi komiteti tóraǵasynyń orynbasary Tólegen Ospanov bar.
13 naýryzda delegatsiia Mańǵystaý, Atyraý oblystarynda boldy.
Jumys sapary barysynda Eraly Toǵjanov bes óńirde oblys ákimderi men munai-gaz sektory ókilderiniń qatysýymen munai jáne munai gaz salasyndaǵy qyzmet kórsetý kompaniialarynyń problemalyq máseleleri boiynsha birqatar kezdesýler ótkizdi. Kezdesýlerde álemdik qarjy-ekonomikalyq daǵdarystyń Qazaqstan ekonomikasyna áseri, sondai-aq áleýmettik-eńbek kún tártibiniń ózekti máseleleri talqylandy.
«Álemdegi ekonomikalyq jaǵdaidy qiyndatatyn eń úlken másele - munai baǵasynyń tómendeýi. Sonymen qatar, koronavirýstyq indet ekonomikaǵa keri áserin tigizdi. OPEK+ músheleriniń kelispeýshiligi munai baǵasynyń 30% tómendeýine ákeldi. Bolashaqta ekonomikalyq damýdyń stsenariii jáne biýdjettik parametrlerdiń esebi munaidyń bir barreli 20-40 dollar deńgeiinde eseptelýi múmkin «, - dedi Eraly Toǵjanov.
Sonymen birge, Qazaqstan Respýblikasy Premer-Ministriniń orynbasary jinalysqa qatysýshylardy áleýmettik turaqtylyq pen ult densaýlyǵy máseleleri el Prezidentiniń turaqty baqylaýynda jáne Úkimet qazirdiń ózinde qajetti sharalardy qabyldaýda dedi.
«Birinshiden, barlyq áleýmettik mindettemeler ýaqtyly oryndalady. Ekinshiden, eńbek naryǵyndaǵy turaqtylyqty qamtamasyz etý jáne jumyssyzdyqtyń kúrt ósýine jol bermeý úshin eldi mekenderdi jóndeý jáne abattandyrý boiynsha infraqurylymdyq jobalardy iske asyrý úshin arnaiy jol kartasy jasalynýda. Bul rette jumystan bosatylatyn jumysshylar men jumyssyzdardy jumysqa ornalastyrýǵa erekshe kóńil bólinedi», - dedi QR Premer-Ministriniń orynbasary.
Azamattardyń ál-aýqatyn saqtaýdyń mańyzdylyǵyn atap ótken Eraly Toǵjanov jergilikti bilik organdary men jumys berýshilerdi ár aimaqta áleýmettik kepildikterdi qamtamasyz etý sharalaryn kúsheitýge shaqyrdy.
«Ózderińiz bilesizder, munai-gaz salasy - el ekonomikasynyń negizgi qozǵaýshy kúshi. Halyqtyń ál-aýqaty úshin eń bastysy - jumyspen qamtý. Sondyqtan búgingi tańda jumys oryndaryn saqtaý jáne qyzmetkerlerge eńbekaqyny ýaqtyly tóleý óte mańyzdy», - dedi Eraly Toǵjanov.
Kezdesýler barysynda oblys ákimderi Úkimet múshelerine óz aimaqtaryndaǵy áleýmettik-eńbek jaǵdaiy týraly tolyq aqparat berdi.
Mańǵystaý oblysynyń ákimi Serikbai Trumovtyń aitýynsha, 9 bankrottyq kásiporynda 127 qyzmetkerge 75,9 million teńge kóleminde jalaqy qaryzdary bar. Olardyń qaitarymy bankrottyq rásimder aiasynda júzege asyrylady. Jalpy oblysta eki myńǵa jýyq jańa jumys oryndary quryldy, al 293 726 teńge kólemindegi jalaqy respýblika boiynsha ortasha kórsetkishten joǵary. Mańǵystaý oblysynda ataýly áleýmettik kómekti 2,5 myń otbasy alady.
Atyraý oblysynyń ákimi Mahambet Dosmuhambetovtyń aitýynsha, aimaqtaǵy jumyssyzdyq deńgeii 4,8% quraidy. Ataýly áleýmettik kómek 1200 otbasyna kórsetiledi. Jalpy oblysta áleýmettik turaqtylyqty saqtaý úshin barlyq sharalar qabyldanýda. Atyraý oblysynda jalaqy 334 583 teńgeni quraidy. Bul da respýblikadaǵy ortasha ailyq kórsetkishten asady. Búgingi tańda barlyq respýblikalyq munaidyń 52%-y Atyraý oblysynda óndiriledi. Iri óndirýshi kompaniialar - «Teńizshevroil» JShS, «NKOK», «Qazmunaigaz» AQ. Qazirgi ýaqytta munai óndirisi salasynda 15 myńǵa jýyq jumysshy, munai servistik kompaniialarda 80 myńǵa jýyq adam jumys isteidi.
QR Prezidentiniń kómekshisi Qanat Bozymbaevtyń aitýynsha, memleket munai baǵasynyń quldyraýy men pandemiiamen bailanysty daǵdarystyq jaǵdailardyń aldyn alý boiynsha jospar ázirleýde.
Kezdesýge qatysqan TShO-nyń bas direktory Imer Bonner «Teńizshevroil» kompaniiasynyń munai óndirý men ony qaita óńdeý jumystary qalypty jaǵdaida júrgizilip jatqanyn atap ótti.
«TShO munai baǵasynyń tómendeýine bailanysty qiyn ekonomikalyq jaǵdaidan shyǵa alady. Sebebi bizdiń kompaniia tarihynda osyndai kezeń bolǵan. Sonymen qatar, jumysshylardyń qysqarýy bolmaidy. Biz ózimizdiń biznes-sheshimderimizdi qarap jatyrmyz jáne barlyq mindettemelerdi oryndaimyz», - dedi TShO bas direktory.
14 naýryzda Úkimettik delegatsiia Aqtóbe oblysynda boldy.
Oblys aktivi, óńirdiń belsendileri jáne aimaqtaǵy eń iri munai-servistik kompaniialar basshylarymen kezdesýi barysynda Aqtóbe oblysynyń áleýmettik-eńbek salasyndaǵy aǵymdaǵy jaǵdaiy egjei-tegjeili sóz boldy. Aimaqtyń ónerkásip qurylymyndaǵy munai gaz úlesi úlken, 35% -dan astamyn quraidy.
Aqtóbe oblysynyń ákimi Ońdasyn Orazalinniń aitýynsha, aimaqtyń munai-gaz salasy kásiporyndarynda 15 myńnan astam qyzmetker jumys isteidi. Jumys oryndaryn saqtaý aiasynda barlyq kompaniialarmen ujymdyq sharttar men memorandýmdarǵa qol qoiyldy. Qazaqstan Respýblikasy Memleket basshysynyń tapsyrmasyna sáikes osy jyldyń basynan bastap munai-gaz salasynda jalaqynyń ósýi orta eseppen 15% qurady nemese 11 myńǵa jýyq qyzmetkerdi qamtydy. Basqa kásiporyndarda jalaqyny kóterý máselesi quryltaishylardyń qaraýynda.
Úkimettik delegatsiianyń jumys sapary Batys Qazaqstan oblysynda jalǵasty.
Batys Qazaqstan oblysynyń ákimi Ǵali Ysqaliev úkimettik delegatsiia múshelerin óńirdegi áleýmettik-ekonomikalyq jaǵdaimen jáne munai-gaz salasyndaǵy kásiporyndardyń jumysynyń ózekti máselelerimen tanystyrdy.
Oblys kásiporyndarynda jaǵdai turaqty. Kásiporyndar qalypty rejimde jumys istep tur.
Aimaqtaǵy iri munai-gaz jobalarynda COVID-19 jaǵdaiyna jáne valiýta baǵamynyń ózgerýine bailanysty shtat sanyn qysqartý josparlanbaidy.
Oblys ákiminiń aitýynsha, búginde oblysta sheteldik jumys kúshin tartatyn 108 kásiporyn men uiymda barlyǵy 19 024 adam jumys isteidi. Sońǵy jyldary otandyq mamandardyń úlesi 94%-ǵa (17764) deiin ósti, al sheteldik mamandardyń úlesi 6%-ǵa (1260) deiin tómendedi.
Batys Qazaqstan oblysynyń ortasha ailyq jalaqysy - 183 459 teńge respýblikalyq kórsetkish deńgeiinde.
15 naýryzda Premer-Ministrdiń orynbasary bastaǵan Úkimet músheleri Qyzylorda oblysyna bardy.
Premer-Ministrdiń orynbasary Eraly Toǵjanovtyń Qyzylorda oblysynyń ákimi Qýanyshbek Ysqaqovpen jáne munai-gaz sektorynyń ókilderimen kezdesýinde jańa munai ken oryndaryn igerý, osy salaǵa jańa tehnologiialardy engizý, sondai-aq munai servisindegi tarifterdi indeksteý máseleleri erekshe ózekti boldy.
Qýanyshbek Ysqaqovtyń aitýynsha, Qyzylorda oblysynda ortasha jalaqy 150 235 teńgeni quraidy, bul el boiynsha ortasha deńgeiden tómen.
Jalpy, jumyspen qamtýdy qamtamasyz etý maqsatynda aǵymdaǵy jyly memlekettik baǵdarlamalardy júzege asyrý aiasynda 13 myńnan astam jańa jumys oryndaryn qurý josparlanýda.
Sonymen qatar, oblys ákimdigi jumys oryndaryn saqtaý týraly 3 myńǵa jýyq iri jáne orta kásiporyndarmen memorandýmdarǵa qol qoiǵan. Oblystyń 30 iri jáne orta kásiporyndarmen jumysshylardyń baqylanatyn aǵymyna arnalǵan Jol kartasyna qol qoiyldy. Atalǵan karta boiynsha kásiporyndardan jumysshylardyń jumystan bosatylǵan kezinde olardyń múddeleri kadrlyq qajettilikke sáikes qoldaý tabady.
Eraly Toǵjanov óńirlerdi damytý máseleleri el basshylyǵynyń erekshe baqylaýynda ekenin atap ótti.
«Oblysta daǵdarysqa qarsy sharalardy júzege asyrý úshin, ásirese óndiris nysandarynyń turaqty jumys isteýi men jumys oryndaryn saqtaý turǵysynan keshendi sharalar qabyldaý qajet. Óndiris kóleminiń qysqarýyna bailanysty jumysshylardyń bosatylýyna jol berilmeidi. Bul kúrdeli másele», - dep atap ótti QR Premer-Ministriniń orynbasary.
Óńirlerdegi kezdesýlerdiń qorytyndysy boiynsha Qazaqstan Respýblikasy Premer-Ministriniń orynbasary Eraly Toǵjanov Energetika ministrligine jáne oblys ákimdikterine birqatar problemalyq máselelerdi sheshýde munai-gaz salasynyń ókilderimen yntymaqtastyqty kúsheitýdi tapsyrdy.
Eń aldymen, óndiris josparlaryn qaita qaraý jáne munai baǵasynyń ózgerýine bailanysty daǵdarysqa qarsy jol kartalaryn ázirleý tapsyryldy.
Eńbek mindettemelerin oryndaý aiasynda Eraly Toǵjanov eńbek daýlaryn boldyrmaý, jumys oryndaryn saqtaý jáne kásiporyndardyń jumysshylaryna ýaqtyly jalaqy tóleý jóninde naqty sharalar qabyldaýdy tapsyrdy.
Sondai-aq koronavirýstyq infektsiianyń jergilikti jerlerde enýine jáne taralýyna jol bermeýge baǵyttalǵan sharalardy kúsheitý qajettiligi aityldy.
Bes óńirge jasaǵan saparynda Eraly Toǵjanov oblys ákimderine elde buqaralyq mádeni jáne sporttyq is-sharalarǵa ýaqytsha tyiym salý, shekteýli oryndarda sanitarlyq rejimdi nyǵaitý jáne basqa da aldyn alý sharalaryn júzege asyrýdy erekshe baqylaýǵa alýdy tapsyrdy. Sonymen qatar, azamattardy azyq-túlikpen jáne qajetti taýarlarmen úzdiksiz qamtamasyz etý tapsyryldy.
